कांद्याची चटणी - पाककृती

कांद्याची चटणी, पाककला - [Kandyachi Chutney, Recipe] तिखट चटपटीत आणि झणझणीत अशी कांद्याची चटणी.
कांद्याची चटणी - पाककृती | Kandyachi Chutney - Recipe

तिखट चटपटीत आणि झणझणीत अशी कांद्याची चटणी


कांद्याची चटणी



कांद्याची चटणी करण्यासाठी लागणारा जिन्नस


  • १ मोठा कांदा
  • ३ लाल सुक्या मिरच्या
  • अर्धा चमचा उडीदडाळ
  • अर्धा चमचा चणाडाळ
  • पाव वाटी चिरलेली कोथिंबीर
  • अर्धा चमचा जीरे
  • ३ चमचे तेल
  • १ चमचा चिंचेचा कोळ
  • थोडे पाणी
  • चवीनुसार मीठ

कांद्याची चटणी करण्याची पाककृती


  • कढईत तेल गरम करून त्यात उडीदडाळ आणि चणाडाळ खमंग परतून घ्यावी.
  • डाळी भाजल्यावर काढून घ्याव्यात आणि उरलेल्या तेलात कांदा, लाल मिरच्या आणि जीरे घालून परतावे.
  • गरज वाटली तर कांदा परतताना १ चमचा तेल वाढवावे.
  • चवीनुसार मीठ घालावे. थोडे मीठ घालून कांदा शिजू द्यावा.
  • कांदा सोनेरी रंगाचा झाला की डिशमध्ये काढून थोडा थंड होऊ द्यावा.
  • परतलेला कांदा, डाळी, चंचेचा कोळ व कोथिंबीर मिक्सरमध्ये वाटून घ्यावे.
  • थोडे कोमट पाणी घालून घट्टसर चटणी बनवावी.
  • तयार आहे चटपटीत कांद्याची चटणी.

कांद्याची चटणी

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा


जीवनशैली        पाककला

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.