एक होती आई - मराठी कविता

एक होती आई, मराठी कविता - [Ek Hoti Aai, Marathi Kavita] एक होती आई, जी या जगात नाही.

एक होती आई, जी या जगात नाही

एक होती आई
जी या जगात नाही
तीच्यासाठी गातो मी अंगाई

आई, आई, आई, आई
कुठे आहे माझी आई

तु होतीस जवळ जेव्हा
कधी उणीव भासली नाही
आता तुझ्या विना आई
मला मुळींच करमत नाही

आई, आई, आई, आई
कुठे आहे माझी आई

मला का तु दिसत नाही
कुठे हरवलीस तु आई
मला अशी कशी गं तु
विसरून गेलीस आई

आई, आई, आई, आई
कुठे आहे माझी आई

सगळ्या मुलांना त्यांची आई
किती किती जीव लावी
मी एकला परका तीथे
तुझ्या विना दिसतो आई

आई, आई, आई, आई
कुठे आहे माझी आई


यशवंत दंडगव्हाळ | Yashwant Dandgawhal
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.