चटपटीत, कुरकुरीत आणि उपवासाला चालणारे साबुदाणा फिंगर्स
‘साबुदाणा फिंगर्स’साठी लागणारा जिन्नस
- १ वाटी भिजवलेला साबुदाणा
- २ उकडून कुस्करलेले बटाटे
- पाऊण वाटी भाजलेल्या शेंगदाणाचा कुट
- बारीक चिरलेली कोथिंबीर
- २ - ३ बारीक चिरलेल्या हिरव्या मिरच्या
- १ चमचा जीरे
- चवीनुसार मीठ
- तळण्यासाठी तेल
‘साबुदाणा फिंगर्स’ची पाककृती
- साबुदाणा रात्रभर भिजवत ठेवावा.
- एका बाऊलमध्ये भिजवलेलले साबुदाणे घेऊन २ उकडलेले बटाटे कुस्करून टाकावेत.
- त्यामध्ये शेंगदाण्याचा कुट, बारीक चिरलेली कोथिंबीर, बारीक चिरलेल्या हिरव्या मिरच्या, १ चमचा जीरे आणि चवीनुसार मीठ टाकून एकत्र करून घ्यावेत आणि त्याचा गोळा बनवावा.
- तयार गोळ्याचे छोटे छोटे गोळे करून हाताला तेल लावून लांबट (उभे) असे आकार करून घ्यावेत.
- आता कढईमध्ये तेल गरम करून मध्यम आचेवर लालसर रंग येईपर्यंत तळून घ्यावेत.
- तयार आहेत साबुदाणा फिंगर्स.
गरमागरम साबुदाणा फिंगर्स थंड थंड दह्यासोबत सर्व्ह करावेत.
स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा
जीवनशैली पाककला
- [col]