निसर्गरम्य आंबोली सिंधुदुर्ग - फोटो

निसर्गरम्य आंबोली, सिंधुदुर्ग - सिंधुदुर्ग जिल्ह्यातील थंड हवेचे ठीकाण असलेल्या निसर्गरम्य आंबोलीचे फोटो - [Photos of Amboli - Sindhudurg].
निसर्गरम्य आंबोली - सिंधुदुर्ग फोटो | Amboli - Sindhudurg Photos

आंबोली हे सिंधुदुर्ग जिल्ह्यातील एक थंड हवेचे ठिकाण आहे


६६४ मीटर उंचीवर असलेले आंबोली हे निसर्गरम्य ठिकाण घाटमाथ्यावर असून या परिसरामध्ये सदाहरित घनदाट जंगले पसरलेली आहेत. कोल्हापूरहून आंबोली १६० किलोमीटर आहे. या जंगलात हिरडा, आईन, जाभूळ, तमालपत्र, शिकेकाई, पिसा, आंबा असे वृक्ष आहेत. तर रानडूक्कर, ससे, गवे, बिबटे, चितळ असे अनेक प्राणी दिसतात. बुलबुल, मलबार, हॉर्नबिल(धनेश), पॅराडाइज फ्लायकॅचर असे पक्षी आढळतात.

कोल्हापूर-बेळगाव रस्त्यावर आंबोलीपासून १० किलोमीटर नांगरतास हा ७० फूट उंचीचा धबधबा आहे.

सावंतवाडीहून ३५ किलोमीटरवर आंबोली आहे. सावंतवाडी आंबोली घाटात सावंतवाडीच्या संस्थानिकाचा राजवाडा दिसतो. हिरण्यकेशी नदीच्या उगमाजवळ हिरण्यकेशीचे मंदिर व आश्रम आहे. इथेच एक गूढ गुहा असलेले ठिकाण आहे.


निसर्गरम्य आंबोली सिंधुदुर्ग


आंबोली परिसरात एम.टी.डी.सी. चे रेस्ट हाऊस व खाजगी हॉटेल्समध्ये रहाण्याची सोय होऊ शकते. आंबोलीच्या पश्चिमेला महादेवगड, उत्तरेला मनोहरगड व मनसंतोषगड हे किल्ले आहेत. मुंबई, पुणे, कोल्हापूर व बेळगांवहून आंबोलीपर्यंत एस.टी.ची सोय उपलब्ध आहे.
हर्षद खंदारे
संस्थापक, मुख्य संपादक । मराठीमाती डॉट कॉम । पुणे
संपादकीय, मराठी कविता, मराठी लेख, मराठी चारोळी, फोटो गॅलरी, मराठी व्यंगचित्र या आणि अशा विविध विभागांत लेखन.
अधिक माहिती पहासर्व लेखन पहा

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.