वरीच्या तांदळाचे सांडगे - पाककृती

वरीच्या तांदळाचे सांडगे, पाककला - [Varichya Tandalache Sandage, Recipe] उपवासाला खाता येणारे आणि वेगळ्या पद्धतीचे असे ‘वरीच्या तांदळाचे सांडगे’ तुमच्या जेवणाची चव वाढवतील.

खमंग, चविष्ट तसेच उपवासाला खाता येणारे ‘वरीच्या तांदळाचे सांडगे’

‘वरीच्या तांदळाचे सांडगे’साठी लागणारा जिन्नस

अर्धा किलो वरी तांदूळ
दहा हिरव्या मिरच्या
मीठ
जीरे
दाण्याचे कूट

‘वरीच्या तांदळाचे सांडगे’ची पाककृती

वरीचे तांदूळ स्वच्छ धुवून शिजवा.
हिरव्या मिरचीची पेस्ट करून घ्या.
एका ताटात शिजून थंड झालेला वरीचा भात, हिरव्या मिरचीची पेस्ट, दाण्याचे कूट, जीरे व चवीनुसार मीठ घालून सर्व एकत्र कालवून गोळा बनवा.
तयार गोळ्याचे मध्यम आकाराचे काही गोळे बनवून घ्या.
एका ताटात किंवा परातीत ह्या गोळ्याचे छोटे - छोटे तुकडे (सांडगे) पाडा.
१ - २ दिवस कडक उन्हात सुकवून घ्या.
तयार सांडगे डब्यात भरून ठेवा.
जेव्हा लागतील तेव्हा तळून खा.