सोपा चिकन पुलाव - पाककृती

सोपा चिकन पुलाव, पाककला - [Easy Chicken Pulao, Recipe] भुकेच्या वेळी झटपट करता येणारा मांसाहारी भाताचा पदार्थ म्हणजे सोपा चिकन पुलाव, दुपारी किंवा रात्रीच्या जेवणात हा पदार्थ केला जाऊ शकतो.
सोपा चिकन पुलाव- पाककला | Easy Chicken Pulao - Recipe

झटपट करता येणारा मांसाहारी भाताचा पदार्थ ‘सोपा चिकन पुलाव’

‘सोपा चिकन पुलाव’साठी लागणारा जिन्नस

  • २ - ३ कप बासमती तांदूळ
  • २ टेबल स्पून दही
  • २५० ग्रॅम चिकन
  • २ टे. स्पून आलं - लसूण पेस्ट
  • गरजेनुसार तेल
  • १ टेबल स्पून गरम मसाला
  • १ टेबल स्पून पुलाव मसाला
  • २ बारीक चिरलेला कांदा
  • १ टोमॅटो
  • मूठभर कोथिंबीर
  • मूठभर पुदिना
  • लाल मिरची पावडर
  • हळद
  • १ टेबल स्पून तूप
  • १ हिरवी मिरची
  • १ मोठी वेलची
  • ३ कप पाणी
  • १ तेजपत्ता
  • बडिशेप

‘सोपा चिकन पुलाव’ची पाककृती

  • प्रथम तांदूळ धुवून घ्या आणि २० - २५ मिनीटे भिजत ठेवा. नंतर त्यातील सर्व पाणी काढून टाका.
  • अर्धी आलं - लसूण पेस्ट, दही, मीठ, हळद, गरम मसाला, बारीक चिरलेला पुदीना व कोथिंबीर, तेल घेवून चिकनला लावून मेरिनेट करायला ठेवून द्या.
  • कांदा लालसर, कुरकुरीत तळून घ्या व त्यातील अर्धा कांदा मेरिनेट मध्ये टाका.
  • प्रेशर कुकरमध्ये तेल व टोमॅटो परतून मऊसर करा व त्यात उरलेला तळलेला कांदा व बडिशेप टाका.
  • आता उरलेली आलं - लसूण पेस्ट टाकून परता. त्यामध्ये मेरिनेट केलेले चिकन टाकून परतून घ्या.
  • त्यानंतर पुलाव मसाला टाकून व्यवस्थित परतून घ्या.
  • आता त्यामध्ये तांदूळ मिक्स करा व परतून घ्या.
  • ३ कप पाणी टाकून शिजवत ठेवा. शिजल्यावर थोडा वेळ निवायला ठेवा.
सॅलेड - रायते सोबत खाण्यास द्या.
स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा

जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.