आलू टिक्की - पाककृती - मराठीमाती । माझ्या मातीचे गायन

आलू टिक्की - पाककृती

आलू टिक्की, पाककला - [Aloo Tikki, Recipe] लहान मुलांपासून ते अगदी मोठ्यांपर्यंत सर्वांची आवडीची मधल्या वेळेत खाण्यासाठी चटपटीत आलु टिक्की.

मधल्या वेळेत खाण्यासाठी चटपटीत ‘आलु टिक्की’

‘आलू टिक्की’साठी लागणारा जिन्नस

४ - ५ बटाटे
३ स्लाईस ब्रेड
२ हिरव्या मिरच्या
१ टी. स्पून जीरे पावडर
चवीनुसार मीठ
१ लिंबू
मुठभर कोथिंबीर
ब्रेड क्रम्ब्स
तळण्यासाठी तेल

‘आलू टिक्की’ची पाककृती

बटाटे धुवून मऊसर शिजवून घ्या. त्याची सालं काढून मॅश करा.
ब्रेडचे स्लाईस पाण्यात बुडवून घ्या व हाताने दाबून त्यातील पाणी काढून टाका.
हिरवी मिरची बारीक वाटून घ्या.
बटाटे, ब्रेड, मीठ, जीरे पावडर, बारीक चिरलेली कोथिंबीर व लिंबू पिळून सर्व मिक्स करा.
त्याचे गोळे बनवा व हाताने दाबून सपाट करा.
ब्रेड क्रम्ब्स मध्ये घोळवून तेलात तळून घ्या.

आलू टिक्की केचअप किंवा तिखट पुदीना चटाणीबरोबर सर्व्ह करा.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा