फक्त तुझ्यासाठी - मराठी कविता (शालिनी बेलसरे)

फक्त तुझ्यासाठी (मराठी कविता) - मराठीमाती डॉट कॉमच्या सभासद कवयित्री शालिनी बेलसरे यांची फक्त तुझ्यासाठी ही मराठी कविता.

विरहाच्या आठवणी, ओढ आणि न स्वीकारता येणाऱ्या वास्तवाची हळवी अभिव्यक्ती करणारी कविता...

फक्त तुझ्यासाठी

शालिनी बेलसरे (अंजनगाव सुर्जी, अमरावती)

प्रस्तावना

कवयित्रीच्या मनात प्रिय आईच्या आठवणी पावसासारख्या कोसळत राहतात. त्या आठवणींमुळे अंतर्मनात वादळ, अस्वस्थता आणि ओढ निर्माण होते. परत येण्याची आस असूनही काही वाटा पुन्हा मिळत नाहीत, हे वास्तव कवितेत स्वीकारले जाते. शेवटी दुःख, पाऊस आणि भावना या सगळ्यांचा ओघ एकटाच — पण फक्त तिच्यासाठी वाहत राहतो.

तुझ्या आठवणींचे आभाळ मनात गच्च काळोखते, अधूनमधून डोळ्यांतून मग मुसळधारेने बरसते. विजांचाही गडगडाट हृदयी खोलवर रुजत राहतो, तुझ्यासोबतचा क्षण अन् क्षण मग परत पलटून मागतो. वादळ तुझ्या आठवांचे असेच मनात कोंडताना, उगाच चिडचिड होते आयुष्यात जगताना. वाटते तू परत यावी, परत एकदा वळून, खूप काही सांगावे तुला, रडावे तुला बिलगून. पण जाणाऱ्या पाऊलवाटा कधी परत येत नसतात, असेच कोसळणारे ढग कुठे प्रत्येकाच्याच वाट्याला येतात. पावसात ऊन-सावलीचा खेळ चालणारच आहे पाठोपाठी, मी आणि माझा पाऊस बरसतो फक्त तुझ्यासाठी.

शालिनी बेलसरे यांचे इतर लेखन वाचा:

विषयानुसार कविता

आईच्या कवितानिसर्ग कवितापावसाच्या कवितागावाकडच्या कविताआत्मविश्वासाच्या कविताआनंदाच्या कवितादुःखाच्या कविताप्रेम कविताप्रेरणादायी कविताबाबाच्या कविताबायकोच्या कविताबालकवितामैत्रीच्या कविताविरह कविताशांततेच्या कविताशाळेच्या कविताशिक्षकांवर कवितासामाजिक कविताअंधश्रद्धेच्या कवितादेशभक्तीपर कवितासैनिकांच्या कविताशेतकऱ्याच्या कविताप्रवासाच्या कवितातिच्या कवितासंघर्षाच्या कविताआठवणीच्या कविताराजकीय कवितातरुणाईच्या कविता

मराठीमाती डॉट कॉमवरील निवडक मराठी कविता आता श्राव्य स्वरूपात उपलब्ध. सर्व ऑडिओ कविता येथे ऐका.

अक्षरमंच - मुक्त विचारपीठ

मराठीमाती डॉट कॉमच्या मुक्त विचारपीठाचा भाग बना — लेखक, संकलक, स्वयंसेवक किंवा इंटर्न म्हणून सामील होण्यासाठी आजच नोंदणी करा.
अधिक माहितीसाठी आम्हाला +९१ ९३२ ६०५ २५५२ येथे संपर्क साधा.