तेलवात - मराठी कविता (प्रशांतकुमार मोहिते)

तेलवात (मराठी कविता) - मराठीमाती डॉट कॉमचे सभासद कवी प्रशांतकुमार मोहिते यांची तेलवात ही मराठी कविता.

वातीला मोल नाही ती एकटी असताना...

---

तेलवात - मराठी कविता (प्रशांतकुमार मोहिते)

मराठीमाती डॉट कॉमचे सभासद कवी ‘प्रशांतकुमार मोहिते’ यांची ‘तेलवात’ ही मराठी कविता.

---

वातीला मोल नाही
ती एकटी असताना
तेलासवे एक ती
आसमंत उजळताना

जळते ती, उजेड देते
अंधाराच्या स्वप्नांना
तेल मात्र तेवत ठेवते
त्या वातीच्या तेजाला

वातीने विझताना
तेलाची सय केली
वातीसवे जळताना
तेलाने जिंदगी बहाल केली

विझली वात, गेला प्रकाश
उग्र उसासा हवेत विरला
अस्तित्वाची इथे काजळी
जीव वातीचा कासावीस झाला

श्वास वातीचा विरून गेला
काजळीने त्या भरून गेला
पेटण्या तिची आता दमछाक आहे
तेलासवे ती अजूनही जिवंत आहे

- प्रशांतकुमार मोहिते