जाईची फुले - मराठी कविता (माधवानुज)

ज्येष्ठ आणि प्रसिद्ध मराठी कवी माधवानुज (डॉ. काशिनाथ हरी मोडक) यांची जाईची फुले ही लोकप्रिय मराठी कविता.

स्वागत केले माझे, सन्मित्रा, त्वा फुलास देऊन

---

जाईची फुले - मराठी कविता (माधवानुज)

ज्येष्ठ आणि प्रसिद्ध मराठी कवी माधवानुज (डॉ. काशिनाथ हरी मोडक) यांची जाईची फुले ही लोकप्रिय मराठी कविता.

---

स्वागत केले माझे, सन्मित्रा, त्वा फुलास देऊन
झाला मोद मनाला प्रेमे त्यांचा सुगंध सेवून

जी ‘दाराची’ फुले त्वा अपुल्या मज आणुनी दिली सुमने
होता पुंज गुणांचा नव्हती ती सत्य जाईची सुमने

कारण त्या पुष्पांनी कथिले भाषा स्वकीय बोलून
“वरिवरि हुंगुनि” आम्हा वेड्या देऊ नकोस फेकून

जे गुण असती साधे हितकर अंगात आमुच्या चार
घे शिकुनी त्या योगे स्वर्गाचेही खुले तुला द्वार

जैसा परिमल अमुचा टाकी सज्जन मनास मोहून
तव कीर्तीचा परिमल जग मोहू दशदिशी दणाणून

आहे जगात अमुचे निर्मल अतिशुभ्र सर्वदा रूप
तैसे तुझे असावे वर्तन त्या नच शिवो कधी पाप

आम्ही कोमल तैसे हृदय असावे तुझे सदा साच
कोमेजावे त्याने दीनाचा पाहुनी जगी जाच

रूप मनोहर अमुचे दिसते परि ते नसे रहायाचे
जग हे असार सारे जे दिसते ते अखेर जायाचे

इतुके बोलुनि थकली, सुकली, मुकली स्वकीय तेजाते
जाईची दिव्य फुले असली फेकील कोण हो हाते

ती धन्य रम्य कुसुमे, मित्रा तू धन्य सत्य त्याहून
मी धन्य धन्य का की माझ्या ती पावली करी निधन

- माधवानुज (डॉ. काशिनाथ हरी मोडक)