भारती सृष्टीचे सौंदर्य - मराठी कविता (शांताराम आठवले)

ज्येष्ठ आणि प्रसिद्ध मराठी कवी शांताराम आठवले यांची भारती सृष्टीचे सौंदर्य खेळे ही लोकप्रिय मराठी कविता.

भारती सृष्टीचे सौंदर्य खेळे, दावित सतत रुप आगळे

भारती सृष्टीचे सौंदर्य - मराठी कविता (शांताराम आठवले)

ज्येष्ठ आणि प्रसिद्ध मराठी कवी शांताराम आठवले यांची भारती सृष्टीचे सौंदर्य ही लोकप्रिय मराठी कविता.

भारती सृष्टीचे सौंदर्य खेळे
दावित सतत रुप आगळे

वसंत वनात जनात हासे
सृष्टीदेवी जणू नाचे उल्हासे
गातात संगीत पृथ्वीचे भाट
चैत्र-वैशाखाचा ऐसा हा थाट

ज्येष्ठ-आषाढात मेघांची दाटी
कडाडे चपला होतसे वृष्टी
घालाया सृष्टीला मंगल स्नान
पूर अमृताचा सांडे वरुन
गगनी नर्तन कृष्ण मेघांचे
भूतली मयूर उत्तान नाचे

श्रावणी पाऊस हास्याचा पडे
श्रीकृष्ण-जन्माची दंगल उडे
बांधिती वृक्षांना रम्य हिंदोळे
कामिनी धरणी वैभवी लोळे

- शांताराम आठवले

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.