अग्निपंख नभि फडफडु दे - मराठी कविता (वा. रा. कांत)

ज्येष्ठ आणि प्रसिद्ध मराठी कवी वा. रा. कांत (वामन रामराव कांत) यांची अग्निपंख नभि फडफडु दे ही लोकप्रिय मराठी कविता.

तव अग्निपंख नभि फडफडु दे

---

अग्निपंख नभि फडफडु दे - मराठी कविता (वा. रा. कांत)

ज्येष्ठ आणि प्रसिद्ध मराठी कवी वा. रा. कांत (वामन रामराव कांत) यांची अग्निपंख नभि फडफडु दे ही लोकप्रिय मराठी कविता.

---

तव अग्निपंख नभि फडफडु दे
निजलेल्या चटका लव बसु दे

तुफानवाता बेडी पडली
वीज ढगांतुनि स्वस्थ झोपली
गगन-धरेला जडता खिळली
त्या प्रलयघनांना कडकडु दे
तव अग्निपंख नभि फडफडु दे

आत शांत जरि दिसते जगती
युद्ध-वैर लाव्हारस कढती
धाराकंपनि आग फुटुनि ती
चल जुनाट जग हे तडतडू दे
तव अग्निपंख नभि फडफडु दे

क्रांतिदेवि, ये, विद्युच्चरणी
तव नयनींची ठिणगी उडवुनि
असंतोष पेटवी जनमनी
मग जुलूम कितिही वर गडगडु दे
तव अग्निपंख नभि फडफडु दे

- वा. रा. कांत (वामन रामराव कांत)