दगडाची पार्थिव भिंत - मराठी कविता (मनमोहन नातू)

ज्येष्ठ आणि प्रसिद्ध मराठी कवी मनमोहन नातू यांची दगडाची पार्थिव भिंत ही लोकप्रिय मराठी कविता.

मी मुक्तामधले मुक्त, कैद्यांमधला कैदी

---

दगडाची पार्थिव भिंत - मराठी कविता (मनमोहन नातू)

ज्येष्ठ आणि प्रसिद्ध मराठी कवी मनमोहन नातू यांची दगडाची पार्थिव भिंत ही लोकप्रिय मराठी कविता.

---

मी मुक्तामधले मुक्त - तू कैद्यांमधला कैदी
माझे नि तुझे व्हायाचे - ते सूर कसे संवादी

माझ्यावर लिहिती गीते - या मंद-समीरण लहरी
माझ्यावर चित्रित होते - गरूडाची गर्द भरारी
जड लंगर तुझिया पायी - तू पीस कसा होणार
माझ्याहून आहे योग्य - भूमीला प्रश्न विचार

आभाळ म्हणाले ‘नाही’ - भूमीही म्हणाली ‘नाही’
मग विनायकाने त्यांची - आळवणी केली नाही
पापण्यात जळली लंका - लाह्यांपरि आसू झाले
उच्चारून होण्याआधी - उच्चाटन शब्दा आले

की जन्म घ्यायच्या वेळी - गंगेस हिमालय नाही
शाई न स्पर्शली असूनी - हे अभंग नदिच्या ‘बाही’
दगडाची पार्थिव भिंत - ती पुढे अकल्पित सरली
‘मी कागद झाले आहे - चल ‍‍‍‍‍‍लिही‘ असे ती वदली

- मनमोहन नातू