बापुजींची प्राणज्योती - मराठी कविता (मनमोहन नातू)

0 0 संपादक ७ जुलै, २०२३ संपादन

ज्येष्ठ आणि प्रसिद्ध मराठी कवी मनमोहन नातू यांची बापुजींची प्राणज्योती ही लोकप्रिय मराठी कविता (Bapujinchi Pranjyoti).

ती पहा, ती पहा, बापुजींची प्राणज्योती

बापुजींची प्राणज्योती - मराठी कविता (मनमोहन नातू)

ज्येष्ठ आणि प्रसिद्ध मराठी कवी मनमोहन नातू यांची बापुजींची प्राणज्योती ही लोकप्रिय मराठी कविता.

ती पहा, ती पहा, बापुजींची प्राणज्योती
तारकांच्या सुमनमाला देव त्यांना वाहती

झुंजला राजासवे हा, रंगला रंकासवे हा
पेटता देहेही आता, दिव्यता दावून जाती

चंदनाचे खोड लाजे, हा झिजे त्याहूनही
आज कोटी लोचनींच्या अश्रुमाला सांडताती

पृथ्वीच्या अक्षांशि लाली, पृथ्विच्या रेखांशि लाली
चार गोळ्या ज्या उडाल्या, दशदिशांना कापताती

नाव ज्याचे ऐकुनीया थरकली सिंहासने
ना जरी तलवार हाती, हा अहिंसेचा पुजारी

सत्य मानी देव आणि झुंजला खोट्यासवे हा
मृत्युच्या अंतीम वेळी, नाम रामाचे मुखी

सिंधु गंगा आणि यमुना, धन्य झाली अस्थिनी
राख तूझी भारताच्या, तिलक झाली रे ललाटी

- मनमोहन नातू

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.