चढवू गगनी निशाण - मराठी कविता (बा. भ. बोरकर)

ज्येष्ठ आणि प्रसिद्ध मराठी कवी बा. भ. बोरकर (बाळकृष्ण भगवंत बोरकर) यांची चढवू गगनी निशाण ही लोकप्रिय मराठी कविता.

चढवू गगनी निशाण, अमुचे चढवू गगनी निशाण

---

चढवू गगनी निशाण - मराठी कविता (बा. भ. बोरकर)

ज्येष्ठ आणि प्रसिद्ध मराठी कवी बा. भ. बोरकर (बाळकृष्ण भगवंत बोरकर) यांची चढवू गगनी निशाण ही लोकप्रिय मराठी कविता.

---

चढवू गगनी निशाण, अमुचे चढवू गगनी निशाण
कोटि मुखांनी गर्जू जय जय स्वतंत्र हिंदुस्थान

निशाण अमुचे मनःक्रांतीचे, समतेचे अन् विश्वशांतिचे
स्वस्तिचिन्ह हे युगायुगांचे ऋषिमुख-तेज महान

मुठ न सोडू जरि तुटला कर, गाऊ फासहि आवळला जर
ठेवू निर्भय ताठ मान ही झाले जरि शिरकाण

साहू शस्त्रास्त्रांचा पाऊस, आम्ही प्रल्हादाचे वारस
सत्य विदारक आणू भूवर दुभंगून पाषाण

विराटशक्ती आम्ही वामन, वाण आमुचे दलितोद्धारण
नमवू बळीचा किरीट उद्धृत ठेवुनि पादत्राण

हिमालयासम अमुचा नेता, अजातशत्रू आत्मविजेता
नामे त्याच्या मृत्युंजय हे चढवू वरनि निशाण

- बा. भ. बोरकर (बाळकृष्ण भगवंत बोरकर)