ऋणाईत गाणे गातो - मराठी कविता (केशव मेश्राम)

ज्येष्ठ आणि प्रसिद्ध मराठी कवी केशव मेश्राम यांची ऋणाईत गाणे गातो ही लोकप्रिय मराठी कविता.

स्वत:वरचा जगावरचा विश्वास जेव्हा उडून जातो

---

ऋणाईत गाणे गातो - मराठी कविता (केशव मेश्राम)

ज्येष्ठ आणि प्रसिद्ध मराठी कवी केशव मेश्राम यांची ऋणाईत गाणे गातो ही लोकप्रिय मराठी कविता.

---

स्वत:वरचा जगावरचा विश्वास जेव्हा उडून जातो
माउलीची कूस बनून शब्दच मला जवळ घेतात
लाजिरवाणे असे जीणे अपमानाचे जगत जातो
प्राण चुंबुन घुसमटलेले शब्दसखेच धीर देतात

अंधारून येतात दिशा..चार भिंती एक छप्पर
काळोखात बुडून जाते..झाडे खातात मुकाट मार
चिक चिक माती रप रप पाय..ठणकणारी जखम जशी
असे होते मन आणि शब्दच होतात सहप्रवासी

प्रवासाच्या सुरुवातीला वळणवेड्या मार्गावरून मरण येते
कवेत घेउन माझ्या आधी शब्दच त्याचे स्वागत करतात
ऋणाईत मी शब्दांना सर्वस्वाने ओलीस जातो
प्रारब्धाच्या प्रकाशधारात ऋणाईत गाणे गातो

- केशव मेश्राम