महात्मा होणं सोपं नाही हो (मराठी कविता)

महात्मा होणं सोपं नाही हो (मराठी कविता) - मराठीमाती डॉट कॉम चे सभासद कवी आनंद प्रभु यांची महात्मा होणं सोपं नाही हो ही मराठी कविता.

चालणार आहे का? थुंकी लावून मोजलेल्या झकपक लाईटात...

---

महात्मा होणं सोपं नाही हो (मराठी कविता)

मराठीमाती डॉट कॉम चे सभासद कवी आनंद प्रभु यांची महात्मा होणं सोपं नाही हो ही मराठी कविता.

---

चालणार आहे का?
थुंकी लावून मोजलेल्या
झकपक लाईटात
नाचणाऱ्या मुलींवर
डान्सबार मध्ये उडवलेल्या
कित्तेकाची पडतात पाकिटे
रेल्वेच्या संडासात नोटांनी भरलेली
बायकांच्या ब्लाऊजात
अंडरविअरच्या चोरखिशात
सजवून नोटांचा बिछाना
त्यावर वेश्या रात्रभर बाहूपाशात
चालणार आहे का?
महात्मा होणं सोप नाही आहे हो

नोट उधळते, दारूच्या गुत्त्यावर
जुगाराच्या अड्यावर
क्रिकेट कबड्डीच्या सट्यावर
कडक नोटेच्या जॅाईंट रोलने
दमलावून मारलेल्या बेधूंद सुट्टयावर
नोट जाते दान पेटीत
तीच खैरातीत
नागिन डांस करते
दोन हजाराची नोट
दारूड्यांच्या तोंडात
रामनवमी
१४ एप्रिल
शिवजयंतीच्या रॅलीत
चालणार आहे का?
महात्मा होणं सोप नाही आहे हो

गांधी तुम्ही जिंकलात कि हरलात माहीत नाही
पण तुमच्या आजतागयत
झालेल्या अपमानान
दंगे भडकवले नाहीत कुणीच
धर्मांधांना हत्यारं उचलायला कुठलंच
कारण मिळत नाही हो मुळीच
पण बहूतेक तुम्ही जिंकलात
हत्येनंतर तुमच्या नावानं तरी
हिंसा भडकू दिली नाही
तुम्ही या महान भारतात
म्हणून हे बरोबरच
महात्मा होणं सोप नाही आहे हो

बाकी थोडफार वाईट बिईट याचंच वाटतं की
तुम्हीच खरे सत्याग्रही
बाकी सगळे, एक जात
सत्तेचे आग्रही

- आनंद प्रभु