प्रेम कर भिल्लासारखं (मराठी कविता)

प्रेम कर भिल्लासारखं - (मराठी कविता) ज्येष्ठ कवी कुसुमाग्रज / वि. वा. शिरवाडकर / विष्णू वामन शिरवाडकर यांची लोकप्रिय कविता प्रेम कर भिल्लासारखं.
प्रेम कर भिल्लासारखं (मराठी कविता)
प्रेम कर भिल्लासारखं (मराठी कविता), चित्र: मराठीमाती अर्काईव्ह.
प्रेम कर भिल्लासारखं - (मराठी कविता) ज्येष्ठ प्रसिद्ध कवी कुसुमाग्रज (वि. वा. शिरवाडकर / विष्णू वामन शिरवाडकर) यांची लोकप्रिय कविता प्रेम कर भिल्लासारखं.

पुरे झाले चंद्र सुर्य, पुरे झाल्या तारा पुरे झाले नदीनाले, पुरे झाला वारा मोरासारखा छाती काढून उभा रहा जाळासारखा नजरेत नजर बांधून रहा सांग तिला तुझ्या मिठीत स्वर्ग आहे सारा शेवाळलेले शब्द आणिक यमकछंद करतील काय डांबरी सडकेवरती श्रावण इंद्रधनू बांधील काय उन्हाळ्यातल्या ढगासारखा हवेत राहशील फिरत जास्तीत जास्त बारा महिने बाई बसेल झुरत नंतर तुला लगीनचिठ्ठी आल्याशिवाय राहील काय म्हणून म्हणतो जागा हो जाण्यापूर्वी वेळ प्रेम नाही अक्षरांचा भातुकलीचा खेळ प्रेम म्हणजे वणवा होवून जाळत राहणं प्रेम म्हणजे जंगल होवून जळत जाणं प्रेम कर भिल्लासारखं बाणावरती खोचलेलं मातीमध्ये उगवून सूद्धा मेघापर्यंत पोचलेलं शब्दांच्या या धुक्यामध्ये अडकू नकोस बुरुजावरती झेंड्यासारखा फडकू नकोस उधळून दे तुफान सगळं मनामध्ये साचलेलं प्रेम कर भिल्लासारखं बाणावरती खोचलेलं

- कुसुमाग्रज (वि. वा. शिरवाडकर / विष्णू वामन शिरवाडकर)

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.