पैठणी (मराठी कविता)

पैठणी - (मराठी कविता) ज्येष्ठ प्रसिद्ध कवयित्री शांता शेळके यांची लोकप्रिय कविता पैठणी.
पैठणी (मराठी कविता)
पैठणी (मराठी कविता), चित्र: मराठीमाती अर्काईव्ह.
पैठणी - (मराठी कविता) ज्येष्ठ प्रसिद्ध कवयित्री शांता शेळके यांची लोकप्रिय कविता पैठणी.

फडताळात एक गाठोडे आहे त्याच्या तळाशी अगदी खाली जिथे आहेत जुने कपडे कुंच्या, टोपडी, शेले - शाली त्यातच आहे घडी करुन जपून ठेवलेली एक पैठणी नारळी पदर जरी चोकडी रंग तीचा सुंदर धानी माझी आजी लग्नामध्ये ही पैठणी नेसली होती पडली होती सार्‍यांच्या पाया हाच पदर धरुन हाती पैठणीच्या अवतीभवती दरवळणारा सूक्ष्म वास ओळखीची, अनोळखीची जाणीव गुढ आहे त्यास धुप, कापूर, उदबत्यांतून जळत गेले किती श्रावण पैठणीने या जपले तन, एक मन खसहीन्यात माखली बोटे पैठणीला केव्हा पुसली शेवंतीची, चमेलीची आरास पदरा आडुन हसली वर्षामागून वर्षे गेली संसाराचा सराव झाला नवा कोरा कडक पोत एक मऊपणा ल्याला पैठणीच्या घडीघडीतून अवघे आयुष्य उलगडत गेले अहेवपणी मरण आले माझ्या आजीचे सोने झाले कधीतरी ही पैठणी मी धरते उरी कवटाळून मऊ रेशमी स्पर्शामधे आजी भेटते मला जवळून मधली वर्षे गळून पडतात काळपटाचा जुळतो धागा पैठणीच्या चोकड्यांनो आजीला माझे कुशल सांगा

- शांता शेळके

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.