शेवग्याच्या पानांची भाजी
शेवग्याच्या पानांमध्ये ‘क’ जीवनसत्व असल्यामुळे जेवणातील लोहाचे पोषण वाढते.
शेवग्याच्या पानांची भाजी करण्यासाठी लागणारा जिन्नस
- दोन वाट्या शेवग्याची कोवळी पाने
- एक छोटा कांदा
- एक छोटा टोमॅटो
- पाच - सहा लसूण पाकळ्या
- एक किंवा दोन हिरव्या मिरच्या
- चवीनुसार मीठ
शेवग्याच्या पानांची भाजी करण्यासाठी लागणार्‍या फोडणीचा जिन्नस
- एक छोटा चमचा जीरे
- एक छोटा चमचा मोहरी
- एक मोठा चमचा तेल
शेवग्याच्या पानांची भाजी करण्याची पाककृती
- प्रथम शेवग्याची पाने स्वच्छ धुवून बारीक चिरा.
- टोमॅटो, कांदा, मिरच्या आणि लसूण बारीक चिरुन घ्या.
- कढईमध्ये आवश्यकतेनुसार तेल टाका.
- तेल गरम झाल्यानंतर जीरे व मोहरीची फोडणी द्या.
- फोडणीत मिरची व लसूण टाका.
- मंद आचेवर लसूण तांबूस लाल झाल्यानंतर त्यात कांदा आणि टोमॅटो शिजेपर्यंत परता.
- त्यात शेवग्याची पाने टाकून हळूहळू परतून घ्या.
- चवीपुरते मीठ टाका.
- कढईवर झाकण न ठेवता मंद आचेवर भाजी शिजू द्या.
- गरमागरम शेवग्याच्या पानांच्या भाजीसोबत गरमागरम भाकरी वाढावी.
शेवग्याच्या पानांची भाजी
स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा
जीवनशैली पाककला