व्हेज मंच्युरिअन - पाककृती

0 0 संपादक ९ ऑक्टो, २०२० संपादन

व्हेज मंच्युरिअन, पाककृती - [Veg Manchurian, Recipe] शाकाहारींसाठी अत्यंत रूचकर चटपटीत चायनीज पाककृती.

शाकाहारींसाठी अत्यंत रूचकर चटपटीत चायनीज पाककृती

मंच्युरिअन बॉल्स बनविण्यासाठी लागणारा जिन्नस

२ कप बारीक चिरलेला कोबी
अर्धा कप किसलेले गाजर
अर्धा कप बारीक चिरलेली सिमला मिरची
२ चमचे आलं-लसूण पेस्ट
पाव चमचा काळी मिरी पावडर
१/२ बारीक चिरलेल्या हिरव्या मिरच्या (ऐच्छिक)
थोडीशी कांदापात
पाव कप मैदा
पाव कप कॉर्न प्लॉअर
चवीनुसार मीठ
तळण्यासाठी तेल

मंच्युरिअन ग्रेव्हीसाठी लागणारा जिन्नस

१ चमचा तेल
१ चमचा बारीक चिरलेली लसूण
१ चमचा बारीक चिरलेलं आलं
१ चमचा कॉर्न प्लॉअर
१ उभा चिरलेला कांदा
अर्धा कप बारीक चिरलेली कांदा पात
पाणी
अर्धा चमचा काळी मिरी पावडर
१ चमचा सोया सॉस
१ चमचा रेड चिली सॉस
१ चमचा टोमॅटो सॉस
चवीनुसार मीठ
पाव चमचा व्हिनेगर

मंच्युरिअन बॉल्स बनविण्याची पाककृती

एका मोठ्या वाडग्यात बारीक चिरलेला कोबी घ्या. त्यामध्ये किसलेले गाजर, चिरलेली सिमला मिरची घाला.
आता त्यामध्ये आलं - लसूण पेस्ट, काळी मिरी पावडर, हिरव्या मिरचीचे तुकडे आणि कांदापात घाला.
तुम्ही यामध्ये तुमच्या आवडीच्या भाज्यादेखील घालू शकता.
आता हे सर्व मिश्रण एकत्र करा.
एकत्र केल्यावर त्यामध्ये मैदा व कॉर्न फ्लॉअर टाकून पुन्हा एकत्र करा.
आता यामध्ये चवीनुसार मीठ घाला आणि व्यवस्थित एकत्र गोळा बनवा. पाण्याचा वापर अजिबात करू नका.
आता या तयार गोळ्याचे लहान लहान आकारात गोळे बनवा.
कढईत तेल गरम करायला ठेवा.
तेल तापल्यावर त्यामध्ये हे छोटे गोळे सोडा आणि सोनेरी रंग येईपर्यंत व्यवस्थित तळून काढा.
मंच्युरिअन बॉल्स तयार आहेत.

मंच्युरिअन ग्रेव्ही बनविण्याची पाककृती

छोट्या वाटीत १ चमचा कॉर्न फ्लॉअर घेऊन त्यामध्ये थोडेसे पाणी टाकून व्यवस्थित ढवळून घ्या. गुठळ्या राहता कामा नयेत. ही स्लरी बाजूला ठेवा.
आता एका पॅनमध्ये १ चमचा तेल गरम करा.
त्यामध्ये सोनेरी रंग येईपर्यंत लसूण परतून घ्या.
आता यामध्ये कांदा परतून घ्या.
कांदा परतल्यावर त्यामध्ये तुम्हाला आवडत असल्यास भाज्या घाला.
कांदा पात, आलं आणि काळी मिरी पावडर घालून परतून घ्या.
गॅस थोडा मोठा राहू द्या.
भाज्या परतल्यावर गॅस बारीक करा व पॅनमध्ये सोया सॉस, रेड चिली सॉस, टोमॅटो सॉस व चवीनुसार मीठ टाका.
या सॉसेस मध्ये मीठ असल्याने वरून मीठ जपून टाका.
हे सर्व पदार्थ व्यवस्थित ढवळून घ्या.
आता यामध्ये कॉर्न फ्लॉअरची स्लरी आणि थोडेसे पाणी घाला.
नीट ढवळून घ्या. साधारण २ - ३ मिनीटे उकळी काढून घ्या.
तुम्हाला जर पातळ ग्रेव्ही हवी असेल तर कॉर्न फ्लॉअर व पाण्याचे प्रमाण वाढवावे.
उकळी आल्यावर त्यामध्ये मंच्युरिअन बॉल्स सोडावेत.
ग्रेव्हीमध्ये व्यवस्थित घोळवून घ्यावेत. साधारण २ - ३ मिनीटे शिजू द्यावेत.
आता गॅस बंद करून गरमागरम व्हेज मंच्युरिअन सर्व्ह करावे.

टीप: मंच्युरिअन बॉल्स बनवताना तुम्ही त्यामध्ये ताजा/शिळा भात कुस्करून घालू शकता. जर नसेल तर पोहे भिजवून पाणी निथळून त्याचा कुस्करा करून घालू शकता यामुळे मंच्युरिअन बॉल्स कुरकुरीत होतील.

स्वाती खंदारे

संपादिका, मराठीमाती डॉट कॉम

संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.

अधिक माहिती पहा । सर्व लेखन पहा

जीवनशैली / पाककला

[col]

अभिप्राय

ब्लॉगर

भारत सरकारच्या नवीन आयटी पॉलिसी नुसार कोणत्याही विषयावर कोणत्याही व्यक्ती, समूदाय, धर्म तसेच देशाविरुद्ध आपत्तीजनक टिप्पणी दंडणीय गुन्हा आहे.

अशा प्रकारच्या टिप्पणीवर कायदेशीर कारवाई (शिक्षा किंवा आर्थिक दंड किंवा दोन्ही) ची तरतूद देखील आहे. त्यामुळे या चर्चेत पाठविलेल्या कोणत्याही विचारांची जबाबदारी संपूर्णपणे लेखकाची असेल.

मराठीमाती डॉट कॉम प्रताधिकार, अस्वीकरण आणि वापरण्याच्या अटी.