डांगर - लाल भोपळ्याची भाजी - पाककृती

डांगर - लाल भोपळ्याची भाजी, पाककृती - [Dangar - Lal Bopalyachi Bhaji, Recipe] साधी सोपी आणि झटपट होणारी डांगर - लाल भोपळ्याची भाजी.

साधी सोपी आणि झटपट होणारी डांगर - लाल भोपळ्याची भाजी

‘डांगर - लाल भोपळ्याची भाजी’साठी लागणारा जिन्नस

२५० ग्रॅम डांगर - लाल भोपळा
१ चमचा मोहरी
१ चमचा मीठ
१ चमचा तिखट
पाव चमचा हळद
चिमूटभर हिंग
१ चमचा तेल
८ - १० कडीपत्याची पाने
२ चमचे भाजलेल्या शेंगदाण्याचा कूट (आवडत असल्यास)
१ चमचा गूळ
बारीक चिरलेली कोथिंबीर

‘डांगर - लाल भोपळ्याची भाजी’ची पाककृती

सर्वप्रथम डांगर सोलून धुवून त्याचे लहान - लहान तुकडे करून घ्यावेत.
आता कढईत तेल तापवून घ्या.
तेल तापल्यावर त्यात मोहरी घाला. मोहरी तडतडली की त्यात कडीपत्ता टाका.
आता त्यामध्ये डांगराचे तुकडे टाका. छान परतवून घ्या.
परतल्यावर त्यामध्ये हिंग, हळद, तिखट आणि मीठ टाकून व्यवस्थित परतून घ्या.
आता परतल्यावर त्यामध्ये १ वाटी पाणी टाका व ढवळून घ्या.
कढईवर झाकण ठेवा व झाकणावर थोडे पाणी ओता जेणेकरून भाजी मऊ शिजेल व करपणारही नाही.
साधारण ५ मिनिटानंतर झाकण काढून भाजी ढवळून घ्या.
आता त्यामध्ये गूळ व भाजलेल्या शेंगदाण्याचा कूट टाका.
शेंगदाण्याच्या कुटामुळे भाजीला घट्टपणा येतो.
व्यवस्थित परतून घेऊन परत २ मिनिटांसाठी झाकण ठेवा.
आता भाजी तयार होईल. २ मिनिटानंतर त्यात कोथिंबीर टाका. परतून घ्या.
डांगरची भाजी तयार आहे.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा