आठवण ही तुझीच - मराठी कविता

आठवण ही तुझीच,मराठी कविता - [Aathavan He Tujhich,Marathi Kavita] आठवण ही,ही तुझीच येते,श्वास श्वास होऊनिया,सहवास हे फुल कळ्यांचे,प्रेमस्पर्श होऊनिया.
आठवण ही तुझीच - मराठी कविता | Aathavan He Tujhich - Marathi Kavita

आठवण ही, ही तुझीच येते, श्वास श्वास होऊनिया, सहवास हे फुल कळ्यांचे, प्रेमस्पर्श होऊनिया

आठवण ही, ही तुझीच येते
श्वास श्वास होऊनिया
सहवास हे फुल कळ्यांचे
प्रेमस्पर्श होऊनिया ॥धृ.॥

आठवण ही तुझीच
तू स्वप्न सोबतीचे
सावली तू अन् माऊलीही तू
आठवण तू आठवणींची ही तू
नजर का बावरे भास भास होऊनिया
आठवण ही तुझी ॥१॥

दिसणे ते हसणे ते
मनडोही डुंबताना खळाळणे ते
गर्द फांदीत पाखरे प्रणयी रंगलेले
रतीमदनाची साथ साथ होऊनिया
आठवण ही तुझी ॥२॥

घालिते पायघड्या काळजाच्या
मखमली तुझिया पावलांना
राधा तू, मीरा तू, अमर तू जाहली
कृष्ण ओठी बासुरी सुर होऊनिया
आठवण ही तुझी ॥३॥

- विवेक जोशी

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.