स्वीट कॉर्न उपमा आणि सॅंडविच - पाककृती

स्वीट कॉर्न उपमा आणि सॅंडविच, पाककला - [Sweet Corn Upma Sandwich, Recipe] खमंग, कुरकुरीत अशी न्याहारी सोबतच मधल्या वेळेतील भुकेसाठी एक पौष्टीक पदार्थ.
स्वीट कॉर्न उपमा आणि सॅंडविच - पाककला | Sweet Corn Upma Sandwich - Recipe

मधल्या वेळेत; पोटभर न्याहारीत खाण्यासाठी खमंग आणि पौष्टीक ‘स्वीट कॉर्न उपमा आणि सॅंडविच’ मोठ्यांसोबतच बालगोपाळांना देखिल आवडेल असा पदार्थ

‘स्वीट कॉर्न उपमा आणि सॅंडविच’साठी लागणारा जिन्नस

(जिन्नस साधारण ७ ते ८ सॅंडविचसाठी)
  • २५० ग्रॅम मक्याचे दाणे (१ स्वीट कॉर्न)
  • एक चमचा आले - लसुन पेस्ट
  • बारीक चिरलेली कोथिंबीर
  • चवीपुरती साखर
  • पाव चमचा हळद
  • अर्धा चमचा तिखट
  • १ चमचा गरम मसाला
  • मीठ
  • फोडणीसाठी तेल
  • कडीपत्त्याची पाने
  • मोहरी
  • हिंग
  • बटर
  • सॅंडविच ब्रेड

‘स्वीट कॉर्न उपमा आणि सॅंडविच’ची पाककृती

  • स्वीट कॉर्न स्वच्छ धूवून मिक्सरमधून जाडसर दळून घ्या.
  • गॅसवर भांडे गरम करत ठेवा, भांडे गरम झाल्यावर २ चमचे तेल टाका.
  • तेल गरम झाल्यावर त्यात मोहरी टाका.
  • मोहरी तडतडली की कडीपत्त्याची पाने, हिंग टाका नंतर आले-लसून पेस्ट टाकून परता.
  • भांड्यातील मिश्रण लालसर झाले की त्यात जाडसर दळलेले स्वीट कॉर्नचे दाने टाकून पुन्हा परता.
  • त्यावर हळद, तिखट, गरम मसाला, चवीनुसार मिठ व किंचीतशी साखर टाकून व्यवस्थित एकजीव करून परतून घ्या.
  • थोडेसे पाणी टाकून पून्हा परता व गॅस बंद करून १ ते २ मिनीटे झाकून ठेवा.
  • ‘स्वीट कॉर्न उमपा’ तयार आहे.

‘स्विटकॉर्न सॅंडवीच’ची पाककृती

  • उपमा ५ ते १० मिनीटे निवल्यानंतर त्यावर बारीक चिरलेली कोथिंबीर पसरवा व परतून घ्या.
  • आता सॅंडवीच ब्रेड घेऊन त्याच्या एका बाजूला ‘स्वीट कॉर्न उमपा’ लावून घ्या, त्यावर दुसरा सॅंडवीच ब्रेड ठेवून किंचीत दाबा.
  • फ्राय गॅस चालू करून त्यावर फ्राय पॅन ठेवा.
  • पॅन गरम झाल्यावर थोडे बटर लावून उपमा लावलेले सॅंडवीच ब्रेड दोन्ही बाजूने भाजून घ्या.
  • छान भाजल्यावर गरमा-गरम, कुरकुरीत ‘स्विटकॉर्न सॅंडवीच’ टोमॅटो सॉस किंवा आवडत्या चटणीसोबत सर्व्ह करा.
स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा

जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.