श्रावणसण - मराठी कविता (रोहित साठे)

श्रावणसण (मराठी कविता) - मराठीमाती डॉट कॉमचे सभासद कवी रोहित साठे यांची श्रावणसण ही मराठी कविता (Shravansan Marathi Kavita).

हलक्या हलक्या पावसात गोड कोवळं ऊन...

श्रावणसण

रोहित साठे

हलक्या हलक्या पावसात गोड कोवळं ऊन तळ्याकाठच्या मंदिरातून कीर्तनाची धून घरात पसरलेला नाजूकसा चंदनधुपाचा वास संगमरवरी देवघरापुढे दिव्यांची आरास शाळांना सुट्या पाठोपाठ सण सवाष्णीसाठी साठवलेला नारळ आणि खण दारावरती आंब्याचं हिरवंगार तोरण आठवणींचं अत्तर घेऊन आला बघ श्रावण पहाटेची कधीतरी उठलेली माझी आई स्वयंपाक करू की देवपूजा करू तिला सगळीच घाई चमचम सड्यावर पांढरीशुभ्र रांगोळी तुळशीपत्रांनी सजवलेला स्वयंपाक तिचा सोवळी सकाळी सहापासून शिटी देणारा कुकर पुरणाच्या डाळीचा सुगंध त्याच्या वाफेवर मग कूच करून येतात जायफळ आणि वेलदोडे पुरणयंत्रातल्या पुरणासोबत म्हणू लागतात सुगंधी पाढे पूजा आटोपल्यावर कार्यक्रम असतो श्रावणातल्या कहाण्यांचा शिवामुठीची, दिव्यांच्या अवसेची, आस्वाद मोठा रंजकतेचा आवडतीला भरजरी कपडे, नावडत्या राणीला मात्र सगळंकाही जीर्ण पण शेवटी सगळ्या कहाण्या पाच उत्तरी सुफळ संपूर्ण सण तसा लहानसा, पण ताट नैवेद्याचं चांदीचं त्याच बाजूला लहानसं गाईसाठी गोग्रासाचं नुकत्याच कढवलेल्या तुपाचा वास खूपच संवादी वरणभातावर वाहतं जसं देखाव्यातली नदी सवाष्णबाईला नमस्कार केल्यावर ती घेई घास तोपर्यंत भुकेनं व्याकूळ आम्हा भावांचे श्वास पण नंतर आई वाढते फुगलेली गरम पोळी कढी, पातळभाजी, चटण्या, कोशिंबीर चंगळ असते त्यावेळी शांत, सुखाने पोटभर खाल्यावर गोडधोड लागतं अंगी मनसोक्त लाड करून अन्नपूर्णा पोरांना धाडते जिवतीसंगी भावाशी दुपारी खेळता खेळता नकळत झोप लागते श्रावणसणांची ही दिनचर्या अजूनही मनात तशीच जागते

रोहित साठे यांचे इतर लेखन वाचा:

---

मराठीमाती डॉट कॉम येथे प्रकाशित होणाऱ्या निवडक मराठी कविता आता श्राव्य स्वरूपात देखील उपलब्ध आहेत. सर्व ऑडिओ कविता या दुव्यावर ऐकता येतील.

---

• [col]
• - आईच्या कविता
• - निसर्ग कविता
• - पावसाच्या कविता
• - गावाकडच्या कविता

• [col]
• - आत्मविश्वासाच्या कविता
• - आनंदाच्या कविता
• - दुःखाच्या कविता
• - प्रेम कविता

• [col]
• - प्रेरणादायी कविता
• - बाबाच्या कविता
• - बायकोच्या कविता
• - बालकविता

• [col]
• - मैत्रीच्या कविता
• - विरह कविता
• - शांततेच्या कविता
• - शाळेच्या कविता

• [col]
• - शिक्षकांवर कविता
• - सामाजिक कविता
• - अंधश्रद्धेच्या कविता
• - देशभक्तीपर कविता

• [col]
• - सैनिकांच्या कविता
• - शेतकर्‍याच्या कविता
• - प्रवासाच्या कविता
• - तिच्या कविता

• [col]
• - संघर्षाच्या कविता
• - आठवणींच्या कविता
• - राजकीय कविता
• - तरुणाईच्या कविता

---

अक्षरमंच - मुक्त व्यासपीठ - नवोदितांच्या लेखन प्रतिभेस प्रोत्साहन देणारे एक मुक्त व्यासपीठ.
आपले लेखन आणि साहित्य प्रकाशित करण्यासाठी ऑनलाईन किंवा ऑफलाईन मोफत लेखक नोंदणी करा.
नवीन लेखक नोंदणी / मराठीमाती डॉट कॉम येथे साहित्य प्रकाशनासंदर्भातील अधिक माहितीसाठी आम्हाला +९१ ९३२ ६०५ २५५२ येथे संपर्क साधा.