ॐ नमो आद्यरूपे - महालक्ष्मीची आरती

ॐ नमो आद्यरूपे, महालक्ष्मीची आरती - [Om Namo Aadyarupe Mahalaxmichi Aarti] ॐ नमो आद्यरूपे, देवी भगवती माते, काळिका कामरूप.
ॐ नमो आद्यरूपे - महालक्ष्मीची आरती | Om Namo Aadyarupe Mahalaxmichi Aarti

ॐ नमो आद्यरूपे, देवी भगवती माते, काळिका कामरूप

ॐ नमो आद्यरूपे ।
देवी भगवती माते ॥
काळिका कामरूप ।
शक्ति तूं जगन्माते ॥
वैष्णवी भूतमाया ।
मूळपीठ देवते ॥
झालिया भेटी तूझी ।
नीवारिसी पापंतें ॥ १ ॥

जय श्रीकुलदेवते ।
महालक्ष्मी ग माते ।
आरती घेउनीयां ।
ओंवाळीन मी तूतें ॥ ध्रु० ॥

अंबिका भद्रकाली ।
देवी आद्या कुमारी ॥
मारिलें चंडमुंड ।
महिषासुर हे वैरी ॥
हर्षले देवद्विज ।
गाती जयजयकारी ॥
उजळुनी दीपमाळा ।
ओंवाळीती नरनारी ॥ जय० ॥ २ ॥

परिधान हेमवर्ण ।
कंठीं नवरत्नें हार ॥
करतळें रातोत्पळें ।
अद्भुत जयजयकार ॥
अवतार कोल्हापुरी ।
केला प्रताप थोर ॥
मारिले दैत्य बिकट ।
अघट कोल्हासुर ॥ जय० ॥ ३ ॥

नासिकीं मुक्ताफळ ।
रत्नकुंडलें श्रवणीं ॥
घवघवीत नेपुरें हो ।
अंदु वाजती चरणीं ॥
मस्तकीं पुष्पहार ।
दिसे भासे वदनीं ॥
पौर्णिमाचंद्रबिंब ।
पृष्ठीवरी रुळे वेणी ॥ जय० ॥ ४ ॥

नवकोटी कात्यायनी ।
चतुःषष्टी योगिनी ॥
भूचरां जलचरां ।
आई तुजपासुनी ॥
ऐसी तूं महालक्ष्मी ।
जगताची जननी ॥
नामया विष्णुदासा ।
तुझें चिंतन ध्यानीं ॥ जय० ॥ ५ ॥

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.