निर्मळ खळखळ वाहतांना - मराठी कविता

निर्मळ खळखळ वाहतांना, मराठी कविता - [Nirmal Khalakhal Vahatana, Marathi Kavita] शुभाशुभ मुहूर्ते कधी मानलीच नाही, कळत नकळत जे काही रूजत गेलं.

शुभाशुभ मुहूर्ते कधी मानलीच नाही

शुभाशुभ मुहूर्ते कधी मानलीच नाही
कळत नकळत जे काही रूजत गेलं
त्याचचं फलीत ते, कुतुहलाने अंकुरत गेलं

मातीतुनचं जन्माला आला रंग, संवाद, संवेदनांचा एक भला मोठ्ठा पुंजका
मनाला मेंदुच्या चाकोरीतून बाहेर काढण्याचे श्रेय पण त्यांनाच
त्यांनीच जानवु दिला नाही कधी ‘मी’ पणा

म्हणूनच, पहील्या घंटेपासून मध्यांतरा पर्यंन्त तरी
शुन्य होतांनाही शुभाशुभ मुहुर्ते कधी मानलीच नाही
आणि गोठलेल्या या पांढऱ्या गर्दितही

निर्मळ खळखळ वाहण्याचा पारदर्शक जीवनानंद घेता आला
त्या माझ्या मातीतल्या हिरवळीचे ऋण तिसऱ्या घंटेआधी फेडण्यासाठी
हर्षद खंदारे
संस्थापक, मुख्य संपादक । मराठीमाती डॉट कॉम । पुणे
संपादकीय, मराठी कविता, मराठी लेख, मराठी चारोळी, फोटो गॅलरी, मराठी व्यंगचित्र या आणि अशा विविध विभागांत लेखन.
अधिक माहिती पहासर्व लेखन पहा

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.