विपश्यनेतला बुद्ध - मराठी कविता (मुकुंद शिंत्रे)

ज्येष्ठ आणि प्रसिद्ध मराठी कवी मुकुंद शिंत्रे (मुकुंद मोरेश्वर शिंत्रे) यांची विपश्यनेतला बुद्ध ही लोकप्रिय मराठी कविता.

बुद्धा तु एक भीषण थंड भगवंत, पद्मास्थवून का बसलास छाताडावर... विपश्यनेतला बुद्ध

विपश्यनेतला बुद्ध

मुकुंद शिंत्रे (कवितासंग्रह:एक बामण ढसाळलेला । नाशिक, महाराष्ट्र)

बुद्धा तु एक भीषण थंड भगवंत पद्मास्थवून का बसलास छाताडावर माझ्या धगधगत्या विद्रोहाची माती करुन नुकत्याच उमलल्या विजेरी झाडाला तुझ्या करुणेचा डंख का चालवलास माझा नेणिवेतला स्पर्श गोठवून तुझ्यातली भुती माझ्यात उतरवून जे साधायचे असेल ते व्हायचे नाही माझ्याने ते जे तुला हवे असेल ते तुझ्या ‘त्रयींचा’ मोरपंखी झुला नको झुलवूस मला विपश्यनेच्या गोत्यात अडकवून माझ्यातल्या दरेक अग्नी पोकळीची किंमत चुकवलीए मी तुझ्या शून्याला साक्षून, त्रशा-करुणेला स्मरुन तरीही का थंडावतोस माझ्या ज्वालेला घट्ट धरुन! तू आलास कुठुनही बुद्धा, मातीतून, देशातून काळातून वा सांगितलेल्या अवतारातून तर -- तर घुमजाव करुन डोळा चुकवणार मी तुझ तुझ्या स्वर्गीय दर्शनाची आस सोडून। कारण माझ्या संतापाची पालं ठोकायचीएत मला त्यांच्या परंपरागत निष्ठूर वसुंधरेवर तुझ्याच लेकरांना त्रिशंकू पिडेवर हलवून सवलतींच्या स्वर्गाची दारे झुलवून तुझा हा फसवा जयजयकार बुद्धा! तिरंग्यावरच्या चक्रांकित समतेला खिजवून म्हणून मी ठिक चाललोय बुद्धा माझ्या मशाली बरोबर घेऊन तू आलास की लाद्या सरकावशील बर्फाच्या मणामणाच्या न पेलवणाऱ्या माझ्या नसानसातून तू आलास तर परत जा विपश्यनेच्या अंधारातून क्षमा भगवन ! सांगतांना मी जातोय काळवंडून माझी सुक्ते संतापाची रचून होईंतो तुझ्या ‘त्रयी’च झाड नको हलवूस आणि वेदना माझी पुरी मिटतो विपश्यनेला तू नको खिळवूस.

मुकुंद शिंत्रे यांचे इतर लेखन वाचा:

---

मराठीमाती डॉट कॉम येथे प्रकाशित होणाऱ्या निवडक मराठी कविता आता श्राव्य स्वरूपात देखील उपलब्ध आहेत. सर्व ऑडिओ कविता या दुव्यावर ऐकता येतील.

---

• [col]
• - आईच्या कविता
• - निसर्ग कविता
• - पावसाच्या कविता
• - गावाकडच्या कविता

• [col]
• - आत्मविश्वासाच्या कविता
• - आनंदाच्या कविता
• - दुःखाच्या कविता
• - प्रेम कविता

• [col]
• - प्रेरणादायी कविता
• - बाबाच्या कविता
• - बायकोच्या कविता
• - बालकविता

• [col]
• - मैत्रीच्या कविता
• - विरह कविता
• - शांततेच्या कविता
• - शाळेच्या कविता

• [col]
• - शिक्षकांवर कविता
• - सामाजिक कविता
• - अंधश्रद्धेच्या कविता
• - देशभक्तीपर कविता

• [col]
• - सैनिकांच्या कविता
• - शेतकर्‍याच्या कविता
• - प्रवासाच्या कविता
• - तिच्या कविता

• [col]
• - संघर्षाच्या कविता
• - आठवणींच्या कविता
• - राजकीय कविता
• - तरुणाईच्या कविता

---

अक्षरमंच - मुक्त व्यासपीठ - नवोदितांच्या लेखन प्रतिभेस प्रोत्साहन देणारे एक मुक्त व्यासपीठ.
आपले लेखन आणि साहित्य प्रकाशित करण्यासाठी ऑनलाईन किंवा ऑफलाईन मोफत लेखक नोंदणी करा.
नवीन लेखक नोंदणी / मराठीमाती डॉट कॉम येथे साहित्य प्रकाशनासंदर्भातील अधिक माहितीसाठी आम्हाला +९१ ९३२ ६०५ २५५२ येथे संपर्क साधा.