चुकत गेलंय बरंच काही - मराठी कविता

चुकत गेलंय बरंच काही, मराठी कविता - [Chukat Gelay Barach Kahi, Marathi Kavita] कुठं, कसं कळत नाही, चूक रक्तातली की बीजातली, नसातली की मांसातली.

कुठं, कसं कळत नाही, चूक रक्तातली की बीजातली, नसातली की मांसातली

कुठं, कसं कळत नाही
चूक रक्तातली की बीजातली
नसातली की मांसातली
कळत नाही अंतरातलं काही
मात्र चुकत गेलंय बरंच काही
कानांनी ऐकलं नाही
डोळ्यांना दिसलं नाही
स्पर्शानं जाणवलं नाही
की कसला वास नाही
नक्कीच चुकलंय काही
दगड नसताही ठेच लागली
बोच नसताही डोळ्यात लाली
नीरव शांततेच आली बधीरता
नसता पाणी लोचनी सजलता
जाणवत राहतो चुकीचा परिणाम
सारे काही वाटते कुचकाम
काय चुकलंय कळत नाही
शिक्षा मात्र जाळत राही


अनुराधा फाटक | Anuradha Phatak
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.