रवा इडली - पाककृती - मराठीमाती । माझ्या मातीचे गायन

रवा इडली - पाककृती

रवा इडली, पाककला - [Rava Idli, Recipe] रवा दह्यात भिजवून केलेली ‘रवा ईडली’ ही झटपट बनवता येणारी सोप्पी पाककृती आहे.

झटपट होणारी रवा इडली

‘रवा इडली’साठी लागणारा जिन्नस

१/२ किलो रवा
१ लहान चमचा मीठ
१/२ लहान चमचा मोहरी
१०-१२ कढीपत्त्याची पाने
३०० ग्रॅम आंबट दही
१ लहान चमचा खाण्याचा सोडा
तेल

‘रवा इडली’ची पाककृती

एका कढईत तेल गरम करून त्याच्यात मोहरी व चिरून कढीपत्ता व रवा टाका.
थोडासा भाजून गॅस बंद करा.
गार झाल्यावर एका भांड्यात रवा दहीत भिजवा.
मीठ टाकून १ तास झाकून ठेवा. मिश्रण जास्त पातळ असू नये.
इडली पात्रांना तेल लावून ठेवा.
एका वाटीत तेल गरम करून त्यामध्ये १ लहान चमचा खाण्याचा सोडा टाका व गरम करा.
हे रव्याच्या मिश्रणात टाकून लवकर लवकर हलवा म्हणजे मिश्रण फुलून येईल.
आता हे मिश्रण तेल लावलेल्या इडली पात्रांमध्ये टाका.
इडली कुकरमध्ये १ ग्लास पाणी टाकुन उकळी घ्या.
इडली पात्र कुकरमध्ये ठेवा. झाकण लावून १५ मिनीटे गॅसवर ठेवा.
१५ मिनीटानंतर गॅस बंद करून एखादं मिनीट थांबून झाकण काढा व निवल्यावर सुरीच्या सहाय्याने इडल्या काढून घ्या.