ओल्या काजूची भाजी - पाककृती

ओल्या काजूची भाजी, पाककला - [Olya Kajuchi Bhaji, Recipe] मराठमोळी महाराष्ट्रीयन खास करुन कोकणात केली जाणारी ‘ओल्या काजूची भाजी’ ऐकूनच तोंडाला पाणी सुटलं असेल ना!

कोकणची खासियत असलेली ओल्या काजूची भाजी

‘ओल्या काजूची भाजी’साठी लागणारा जिन्नस

पाव किलो सोललेले ओले काजूगर
२ कांदे
२ बटाटे
१ टोमॅटो
अर्धा ओला नारळ किसून
लसुण
आले
गरम मसाला पावडर
तिखट
हळद
मीठ
कोथिंबीर
तेल

‘ओल्या काजूची भाजी’ची पाककृती

काजूगर रात्री कोमट पाण्यात भिजत घालून सकाळी सोलावेत.
बटाट्याची साले काढून तुकडे करावेत.
प्रथम कढईत तेल टाकून जीरे, मोहरी, कांदा, लसुण व टोमॅटो टाकून चांगले परतवून घेणे.
चांगले शिजल्यावर त्यात सोललेले काजू व बटाट्याचे तुकडे टाकून त्यात आवडीनुसार तिखट, हळद, मीठ व पाणी घालून शिजु द्यावेत.
नंतर भाजलेल्या कांदा - खोबर्‍याचे वाटप करुन ते त्यामध्ये घालावे व पुन्हा चांगले शिजवून घ्यावेत.
चांगल्या उकळ्या आणून काजू व बटाटा शिजवून घ्यावेत.
काजू व बटाटा शिजला की त्यामध्ये गरम मसाला पावडर घालावी व एक उकळी आणून गॅस बंद करावा.
तयार भाजीवरती बारीक चिरलेली कोथिंबीर पसरावी.