दही मिसळ - पाककृती - मराठीमाती । माझ्या मातीचे गायन

दही मिसळ - पाककृती

दही मिसळ, पाककला - [Dahi Misal, Recipe] नाव ऐकल्यावरच तोंडाला पाणी आणणारी ‘दही मिसळ’ ही चटपटीत जेवणातील भाजी तसेच न्याहारीसाठी पावासोबत खाता येते.

आदल्या दिवशी मटकी भिजत घालावी. तिला मोड आल्यावर मटकी निवडून घ्यावी.
तेलात हिंग, मोहरी, हळद घालून फोडणी द्यावी. त्यात मोड आलेली मटकी घालावी.
जरा परतून थोडे पाणी घालावे व मटकी शिजू द्यावी.
मटकी शिजल्यावर त्यात वाटलेल्या मिरच्या, गूळ व मीठ घालून उसळ बनवावी.
कोथिंबीर व नारळ घालून उसळ खाली उतरवावी.
उसळीत पाणी अजिबात राहता नये. उसळ गार होऊ द्यावी.
आयत्या वेळी प्लेटमध्ये २ डाव उसळ घालावी.
उसळवर थोडा बारीक चिरलेला कांदा घालवा. बटाट्याच्या फोडी घालाव्यात.
नंतर त्यावर चिवडा व बारीक शेव घालावी.
वरती १ टेबलस्पून गोड व घट्ट दही घालावे व बटर लावून भाजलेल्या पावाबरोबर सर्व्ह करावे.