आलू पराठा - पाककृती

आलू पराठा, पाककला - [Aloo Paratha, Recipe] खमंग आलू पराठा चटणी किंवा सॉस किंवा दही खायला द्यावा.
आलू पराठा - पाककृती | Aloo Paratha - Recipe

‘आलू पराठा’साठी लागणारा जिन्नस

  • २ वाट्या कणीक
  • अर्धा चमचा मीठ
  • २ टेबलस्पून कडकडीत तेलाचे मोहन
  • ३ मोठे उकडलेले बटाटे
  • ७-८ लसूण पाकळ्या
  • ५-६ हिरव्या मिरच्या वाटून
  • १ चमचा अनारदाणा पावडर किंवा आमचूर पावडर
  • मीठ
  • साखर चवीनूसार
  • पराठे तळ्ण्याकरता तेल अथवा तूप

“आलू पराठ’ची पाककृती

  • कणीक कडकडीत तेलाचे मोहन, मीठ, साखर घालून घट्ट भिजवून झाकून ठेवावी.
  • बटाटे गरम असतानाच सोलून किसणीला तेलाचा हात लावून किसून घ्यावेत, किंवा पुरणयंत्रातून काढून घ्यावेत.
  • किसलेल्या बटाट्यात वाटलेली लसूण, मिरची, साखर, मीठ, अनारदाणा पावडर किंवा आमचुर पावडर घालून गोळा तयार करावा.
  • भिजलेली कणीक हातानी मळून घ्यावी व तिचे आठ समान भाग करावेत. बटाट्याच्या सारणाचेपण तेवढेच सारखे भाग करावेत.
  • कणकेच्या एका भागाची हाताने खोलगट वाटी करावी. त्यात सारणाची एक लाटी भरून लाटीचे तोंड सर्व बाजूंनी बंद करुन हलक्या हाताने गोल पराठा पोळपाठावर पिठी लावून लाटावा.
  • जाड अथवा नॉनस्टिक तव्यावर तूप किंवा रिफाइंड तेल टाकुन दोन्ही बाजूंनी खमंग परतावा.



स्वाती खंदारे | Swati Khandare
संपादिका, मराठीमाती डॉट कॉम
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.

जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.