तुकाराम गाथा - अभंग ४ - मराठीमाती । माझ्या मातीचे गायन

तुकाराम गाथा - अभंग ४

तुकाराम गाथा, अभंग ४ - [Tukaram Gatha, Abhang 4] राजस सुकुमार मदनाचा पुतळा, रविशशिकळा लोपलिया.

संत तुकाराम महाराज यांच्या तुकाराम गाथेतील अभंग ४, राजस सुकुमार मदनाचा पुतळा, रविशशिकळा लोपलिया

तुकाराम गाथा - अभंग ४

राजस सुकुमार मदनाचा पुतळा ।
रविशशिकळा लोपलिया ॥१॥

कस्तुरीमळवट चंदनाची उटी ।
रुळे माळ कंठीं वैजयंती ॥ध्रु॥

मुगुट कुंडले श्रीमुख शोभलें ।
सुखाचें ओतलें सकळ ही ॥२॥

कासे सोनसळा पांघरे पाटोळा ।
घननीळ सांवळा बाइयानो ॥३॥

सकळ ही तुम्ही व्हा गे एकीसवा ।
तुका म्हणे जीवा धीर नाहीं ॥४॥
- संत तुकाराम