परिस्थितीच्या आरशात केस काळे - मराठी कविता

साऱ्या कर्तृत्वाचे केस पांढरे झाले ऐन वयात, आई म्हणाली, लग्न कर ऐन वयात

साऱ्या कर्तृत्वाचे केस पांढरे झाले ऐन वयात
आई म्हणाली
लग्न कर ऐन वयात
न्हावी म्हणाला
कर्तृत्वालाच मेहंदी फास
बहीण म्हणाली
केसच ते ऐनवयात पांढरे झाले तर
नंतर होत नाहीत
मी परिस्थितीच्य आरशात डोकावून पाहिले
माझ्या पाठीमागे आई, न्हावी, बहीण उभे
आई म्हणाली
हलकट असतात सर्व जाती.
न्हावी म्हणाला
तात्पुरते उपाय सोडून द्या.
बहीण म्हणाली
पांढऱ्या केसांचा भाऊ
मी भादरून घेतला सारा समाज
आणि पांढऱ्या केसांनीच
ऐन रस्त्यावर आलो

---

संदेश ढगे

सभासद, मराठीमाती डॉट कॉम

मराठी कविता या विभागात लेखन.

अधिक माहिती पहा । सर्व लेखन पहा