जय देवी गंगाबाई - गंगेची आरती

जय देवी गंगाबाई, गंगेची आरती - जय देवी जय देवी जय गंगाबाई, पावन करि मन सत्वर विश्वाचे आई [Jai Devi Gangabai, Gangechi Aarti].

जय देवी गंगाबाई - गंगेची आरती

आरत्या

जय देवी जय देवी जय गंगाबाई । पावन करि मन सत्वर विश्वाचे आई ॥ जय देवी जय देवी जय गंगाबाई । पावन करि मन सत्वर विश्वाचे आई ॥ ध्रु० ॥ माते दर्शनमात्रे प्राणी उद्धरसी । हरिसी पातक अवघे जग पावन करिसी ॥ दुष्कर्मी मी रचिल्या पापांच्या राशी । हरहर आता स्मरतो गति होईल कैसी ॥ जय देवी० ॥ १ ॥ पडले प्रसंग तैशी कर्मे आचरलो । विषयांचे मोहाने त्यातचि रत झालो ॥ ज्याचे योगे दुष्कृत-सिंधुत बुडालो । त्यातुनि मजला तारिसि ह्या हेतूने आलो । जय देवी० ॥ २ ॥ निर्दय यमदूत नेती त्या समयी राखी । क्षाळी यमधर्माच्या खात्यातील बाकी ॥ मत्संगतिजन अवघे तारियले त्वा की । उरलो पाहे एकचि मी पतितांपैकी ॥ जय देवी० ॥ ३ ॥ अघहरणे जय करुणे विनवितसे भावे । नोपेक्षी मज आता त्वत्पात्री घ्यावेम ॥ केला पदर पुढे मी, मज इतुके द्यावे । जीवे त्या विष्णूच्या परमात्मनि व्हावे । जय देवी० ॥ ४ ॥

टीप: वरील साहित्य केवळ पारंपरिक श्रद्धांवर आधारित असून, वाचकांनी विवेकबुद्धी जपून अंधश्रद्धेपासून दूर राहावे.

इतर आरत्या वाचा: