लेखकाला आलेलं कुणाचंही पत्र - मराठी कविता

लेखकाला आलेलं कुणाचंही पत्र, मराठी कविता - [Lekhakala Alel Kunachahi Patra, Marathi Kavita] कोणत्याही दुपारी कुणाचंही पत्र येतं रंगीत कव्हर वालं, पत्र मिळताच त्यावर तुटून पडतात, भुकेल्या नजरेने लेखकाच्या घरातले सर्व.

कोणत्याही दुपारी कुणाचंही पत्र येतं रंगीत कव्हर वालं, पत्र मिळताच त्यावर तुटून पडतात, भुकेल्या नजरेने लेखकाच्या घरातले सर्व

कोणत्याही दुपारी कुणाचंही पत्र येतं रंगीत कव्हर वालं
पत्र मिळताच त्यावर तुटून पडतात
भुकेल्या नजरेने लेखकाच्या घरातले सर्व
आई, बहीण, बायको, काकी नी चुलतभाऊ इत्यादी
लेखक दमून येतो पत्रासारखा प्रवासातून
तेव्हा टि. व्ही. वर आजार बळावलेल्या माणसासारखं
पडून असतं पत्र
लेखकाच्या आधीच इतरांनी वाचून आकसून गेलेलं
असते ते लेखकासारखं
आईला वाटतं, मुलाचं कौतुक दडलंय त्यात
बायकोला वाटतं, नवऱ्याचं लफडं अडलंय त्यात
बहिणीला वाटतं, किती दूरदूर आपल्या भावाचा वावर!
मुलीला वाटतं, ई हे तर रंगीत कव्हर!
काकीला वाटतं, दुपारी वाचू पडल्या पडल्या
आईला वाटतं, चेक असेल तर रेशन सुटेल वेळेला अडत्या
लेखक बिखक तसं काही नसतं घरच्यांना
थोडं समाधान हेच जोडलेलं
लेखकाच्या वाट्याला असंच येतं का सारं
त्याच्या आधी फोडलेलं?


संदेश ढगे | Sandesh Dhage
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.