आभाळातून वीज ओकतांना - मराठी कविता

आभाळातून वीज ओकतांना, मराठी कविता - [Abhalatun Vij Okatana, Marathi Kavita] निळसर केशर आभासावर, शोधतो स्वतःला.

निळसर केशर आभासावर, शोधतो स्वतःला

निळसर केशर आभासावर
शोधतो स्वतःला
लाटा घेवुन काठावरती
लोटतो स्वतःला

जगणेही या मरणाच्या
प्रेमात धावते आता
कुंपण तोडून पळतांना
मी पाहतो स्वतःला

पाऱ्यावरची छबी दिसेना
आरशात आता
छबी घेवुनी फरार होता
पाहतो स्वतःला

तळहांतांचे रेषीम जाळे
विरुन गेले आता
तळव्यामध्ये जळतांना मी
पाहतो स्वतःला

हुरहुर ऐसी मायेची
हा सुर थांबला आता
भुरभुर होऊन कोसळता
मी पाहतो स्वतःला

चिराचिरांतून होवुन व्याकुळ
सैर भैर आता
आभाळातून विज ओकता
पाहतो स्वतःला
हर्षद खंदारे
संस्थापक, मुख्य संपादक । मराठीमाती डॉट कॉम । पुणे
संपादकीय, मराठी कविता, मराठी लेख, मराठी चारोळी, फोटो गॅलरी, मराठी व्यंगचित्र या आणि अशा विविध विभागांत लेखन.
अधिक माहिती पहासर्व लेखन पहा

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.