हे सर्व का आणि कशासाठी - मराठी कविता

हे सर्व का आणि कशासाठी, मराठी कविता - [He Sarva Ka Ani Kashasathi, Marathi Kavita] सर्वांच्या नजरा एकवटलेल्या भुकेल्या नरभक्षकासारख्या माझ्यावर.
हे सर्व का आणि कशासाठी - मराठी कविता | He Sarva Ka Ani Kashasathi - Marathi Kavita

सर्वांच्या नजरा एकवटलेल्या भुकेल्या नरभक्षकासारख्या माझ्यावर

सर्वांच्या नजरा एकवटलेल्या
भुकेल्या नरभक्षकासारख्या माझ्यावर

आणि मी अस्तित्व पणावर लावलेल्या
निर्भीड पण बावरलेल्या
निरागस हरणासारखा रानोमाळ

अखेरच्या क्षणापर्यंत
श्वासांच्या शर्यतीत जिंकण्याच्या
विलक्षण ध्यासाने पेटलेलो

मात्र मनाच्या खांद्यावर
श्वापदांच्या सुळ्यांचे ओघळणारे रक्तरंजीत पसायदान
नरडीचा घोट घेऊनदेखील
मुठीत आवळून धरलेली क्षितीज रेघ
आणि काहिशी संभ्रमात पडलेली माझी
अंधुक पण स्वच्छ नजर

विचारत होती
हे सर्व का? आणि कशासाठी?

हे सर्व का?
आणि कशासाठी?

हर्षद खंदारे
संस्थापक, मुख्य संपादक । मराठीमाती डॉट कॉम । पुणे
संपादकीय, मराठी कविता, मराठी लेख, मराठी चारोळी, फोटो गॅलरी, मराठी व्यंगचित्र या आणि अशा विविध विभागांत लेखन.
अधिक माहिती पहासर्व लेखन पहा

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.