आतलं आणि बाहेरचं - मराठी कविता (रंजना बाजी)

आतलं आणि बाहेरचं (मराठी कविता) - मराठीमाती डॉट कॉम च्या सभासद कवयित्री रंजना बाजी यांची आतलं आणि बाहेरचं ही कविता.

बाह्य व्यवहारांच्या जगापेक्षा अंतर्मनातील भावविश्व अधिक जिवंत आणि अर्थपूर्ण असल्याची जाणीव करून देणारी कविता... आतलं आणि बाहेरचं

आतलं आणि बाहेरचं

रंजना बाजी (महाराष्ट्र, भारत)

बाहेरचं जग सवयींच्या आणि कर्तव्यांच्या चौकटीत अडकलेलं आहे. तेथे मनाची गुंतवणूक कमी, व्यवहार जास्त असतात. आतलं जग मात्र भावनांनी, नात्यांनी आणि निःशब्द समजुतीने भरलेलं आहे. खरं जिवंतपण हे या अंतर्मनाच्या जगण्यात दडलेलं आहे.

एक जग असतं बाहेरचं... स्वयंपाक, घरकाम, नातेवाईक, आदरातिथ्य वगैरे... लोकांशी बोलणं, बाहेर जाणं, बँका, दुकानं, ऑफिसेस, मन न गुंतलेलं, व्यवहार फक्त सवयीचं... आणि एक जग असतं आतलं, मी, माझं वाटणं, तुझं असणं, आपलं लिहिणं, वाचणं, त्याबद्दल बोलणं, ऐकणं, कधी न बोलता समजून घेणं, कडकडून भेटणं, नुसतंच असं सहज, प्रेम, राग, निराशा, उत्साह—सगळंच, न बोललेलं समजून घेतलेलं, मन पूर्ण गुंतलेलं, जगणं जिवंत असलेलं...

संपादकीय विश्लेषण

कवयित्रीने जीवनातील दोन समांतर विश्वांची अत्यंत साध्या आणि प्रवाही शैलीत मांडणी केली आहे. बाहेरचं जग हे कर्तव्य, व्यवहार आणि सामाजिक जबाबदाऱ्यांनी व्यापलेलं असून त्यात मनाची खरी गुंतवणूक नसते; ते जणू सवयीने चालणारं आयुष्य आहे. याउलट आतलं जग हे आत्मीयतेचं, भावनिक जवळीकीचं आणि निःशब्द समजुतीचं आहे. येथे शब्दांपेक्षा भावना अधिक बोलक्या ठरतात. प्रेम, राग, निराशा, उत्साह अशा विविध भावछटांमधून मानवी नात्यांचा गहिरा अर्थ व्यक्त होतो. कवितेची ताकद तिच्या साधेपणात आणि अनुभवांच्या प्रामाणिक मांडणीत आहे; ती वाचकाला स्वतःच्या अंतर्मनाशी संवाद साधायला प्रवृत्त करते.

रंजना बाजी यांचे इतर लेखन वाचा:

---

मराठीमाती डॉट कॉम येथे प्रकाशित होणाऱ्या निवडक मराठी कविता आता श्राव्य स्वरूपात देखील उपलब्ध आहेत. सर्व ऑडिओ कविता या दुव्यावर ऐकता येतील.

---

• [col]
• - आईच्या कविता
• - निसर्ग कविता
• - पावसाच्या कविता
• - गावाकडच्या कविता

• [col]
• - आत्मविश्वासाच्या कविता
• - आनंदाच्या कविता
• - दुःखाच्या कविता
• - प्रेम कविता

• [col]
• - प्रेरणादायी कविता
• - बाबाच्या कविता
• - बायकोच्या कविता
• - बालकविता

• [col]
• - मैत्रीच्या कविता
• - विरह कविता
• - शांततेच्या कविता
• - शाळेच्या कविता

• [col]
• - शिक्षकांवर कविता
• - सामाजिक कविता
• - अंधश्रद्धेच्या कविता
• - देशभक्तीपर कविता

• [col]
• - सैनिकांच्या कविता
• - शेतकर्‍याच्या कविता
• - प्रवासाच्या कविता
• - तिच्या कविता

• [col]
• - संघर्षाच्या कविता
• - आठवणींच्या कविता
• - राजकीय कविता
• - तरुणाईच्या कविता

---

अक्षरमंच - मुक्त व्यासपीठ

---

मराठीमाती डॉट कॉमच्या मुक्त व्यासपीठाचा भाग बना — लेखक, संकलक, स्वयंसेवक किंवा इंटर्न म्हणून सामील होण्यासाठी आजच नोंदणी करा.
अधिक माहितीसाठी आम्हाला +९१ ९३२ ६०५ २५५२ येथे संपर्क साधा.