तुला सांगायचं झालं तर - मराठी कविता (मोहिनी उत्तर्डे)

तुला सांगायचं झालं तर (मराठी कविता) - मराठीमाती डॉट कॉम च्या सभासद कवयित्री मोहिनी उत्तर्डे यांची तुला सांगायचं झालं तर ही कविता.

प्रेम सांगण्यापेक्षा ते जगण्याच्या, त्यात विरघळून जाण्याच्या असंख्य शक्यतांचा शोध घेणारी ही कविता....

तुला सांगायचं झालं तर

मोहिनी उत्तर्डे (महाराष्ट्र, भारत)

ही कविता प्रेम व्यक्त करण्यातील संकोच, द्विधा अवस्था आणि सौंदर्यपूर्ण अस्वस्थता यांचे अतिशय कोमल चित्र उभे करते. कवी/कवयित्रीला प्रेम सांगायचे आहे; पण ते कसे सांगावे, कोणत्या रूपात सांगावे—याच प्रश्नांतून संपूर्ण कविता आकार घेते. प्रेम हे इथे ठोस विधान नसून अनुभवांची मालिका आहे. हसू, नजर, शब्द, निःशब्दता—या सगळ्यांतून प्रेम व्यक्त होऊ शकते का, असा शोध सुरू आहे. त्यामुळे कविता सतत “होऊ का?” या शक्यतांमध्ये फिरते. हे प्रेमाचे सौंदर्य आहे—ते ठरलेले नसते, वाहते असते. निसर्गप्रतिमा (पानगळ, दवबिंदू, वारा, समुद्र, किनारा) प्रेमाच्या भावनांना अवकाश देतात. पानगळीचा गंध आत्मसंयम दर्शवतो, तर दवबिंदू प्रेमातील नितळ, पहिल्या स्पर्शासारखी ओल दाखवतो. समुद्राची गहिरेपणाची प्रतिमा प्रेमातील धाडस आणि अनिश्चितता सूचित करते, तर “नजरेचा किनारा” ही प्रतिमा सुरक्षित विसाव्याची भावना देते. होडी, वारा, दिशा—या प्रतिमांतून प्रेमात स्वतःला झोकून देण्याची तयारी दिसते; पण तरीही अंतिम ओळीत शांतता आणि गोंगाट या विरुद्ध भावनांमध्येही “तुझ्यात हरवून जाणे” हेच अंतिम ध्येय ठरते. म्हणजे प्रेम हे परिस्थितीवर अवलंबून नसून अंतर्मनात रुजलेले अस्तित्व आहे. एकूणच कविता प्रेमाला मालकी, आग्रह किंवा अपेक्षा न बनवता समर्पण, शोध आणि विलीन होण्याची प्रक्रिया म्हणून मांडते.

तुला सांगायचं झालं तर माझं प्रेम कसं उलगडावं मी... तुझ्या हसण्यात माझे सूर सापडावे की तुझ्या नजरेत विरघळून जावं मी... कवितेतून शब्द होऊन व्यक्त करावं की निःशब्द होऊन तुला निहाळावं मी... पानगळीच्या त्या गंधात सावरावं स्वतःला की पहाटेच्या दवबिंदुत भिजून घ्यावं मी... शिडाची होडी होऊन बेफान सुटावं की वाऱ्याच्या दिशेवर तुला गाठावं मी... समुद्राच्या गहिऱ्यात उतरून तुला शोधावं की तुझ्या नजरेच्या किनाऱ्यावर विसावा घ्यावा मी... तुला सांगायचं झालं तर माझं प्रेम कसं उलगडावं मी... तुझ्या सोबतीची ती शांतता होऊन की गोंगाटात ही तुझ्यात हरवून जावं मी...

मोहिनी उत्तर्डे यांचे इतर लेखन वाचा:

---

मराठीमाती डॉट कॉम येथे प्रकाशित होणाऱ्या निवडक मराठी कविता आता श्राव्य स्वरूपात देखील उपलब्ध आहेत. सर्व ऑडिओ कविता या दुव्यावर ऐकता येतील.

---

• [col]
• - आईच्या कविता
• - निसर्ग कविता
• - पावसाच्या कविता
• - गावाकडच्या कविता

• [col]
• - आत्मविश्वासाच्या कविता
• - आनंदाच्या कविता
• - दुःखाच्या कविता
• - प्रेम कविता

• [col]
• - प्रेरणादायी कविता
• - बाबाच्या कविता
• - बायकोच्या कविता
• - बालकविता

• [col]
• - मैत्रीच्या कविता
• - विरह कविता
• - शांततेच्या कविता
• - शाळेच्या कविता

• [col]
• - शिक्षकांवर कविता
• - सामाजिक कविता
• - अंधश्रद्धेच्या कविता
• - देशभक्तीपर कविता

• [col]
• - सैनिकांच्या कविता
• - शेतकर्‍याच्या कविता
• - प्रवासाच्या कविता
• - तिच्या कविता

• [col]
• - संघर्षाच्या कविता
• - आठवणींच्या कविता
• - राजकीय कविता
• - तरुणाईच्या कविता

---

अक्षरमंच - मुक्त व्यासपीठ

---

मराठीमाती डॉट कॉमच्या मुक्त व्यासपीठाचा भाग बना — लेखक, संकलक, स्वयंसेवक किंवा इंटर्न म्हणून सामील होण्यासाठी आजच नोंदणी करा.
अधिक माहितीसाठी आम्हाला +९१ ९३२ ६०५ २५५२ येथे संपर्क साधा.