कविता - मराठी कविता (आरती प्रभू)

कविता - मराठी कविता (आरती प्रभू) - ज्येष्ठ आणि प्रसिद्ध मराठी कवी आरती प्रभू यांची कविता ही लोकप्रिय मराठी कविता.

या माझ्या अजाण कवितेचा अपमान, का करतां बाबांनो -कां?

कविता

आरती प्रभू (चिंतामणी त्र्यंबक खानोलकर. ज्येष्ठ मराठी कवी आणि लेखक)

आरती प्रभू यांच्या ‘नक्षत्रांचे देणे’ या कवितासंग्रहातून.

या माझ्या अजाण कवितेचा अपमान का करतां बाबांनो -कां? प्रेम हवंय का या कवितेचं? मग ते मागून मिळणार आहे का तुम्हांला? खूप कांही द्यावं लागेल त्यासाठी. काय काय द्याल? आत्म्याची बाग फुलवतां येईल तुम्हांला? पण त्यासाठी तुम्हांला तुमचा आत्मा तुमच्याच तळहातावर एखाद्या स्वातीच्या थेंबासारखा घ्यावा लागेल, पण त्यांसाठी तुमचे हात तुम्हांला चांदण्याहून पारदर्शक करावे लागतील. कराल? माझ्या कवितेपासून मीही, तिच्याजवळ असून, दूर असतों. भीत भीत स्पर्श करतों तेव्हा तिचे डोळे पाणावल्यासारखे चमकतात. डडुळून जातात त्यांतले रानचिमणे विभ्रम. ती एका पोक्त कलेने प्रौढ होते. या कवितेच्या मुलायम केसांवरून सरकून जातात श्यामधनांतले मंद संधिप्रकाश. वाटतं की ती आताच उभीच्या उभी निसटून जाणार आहे दोन आर्त स्वरांच्या मधल्याच रिकाम्या स्वर्गात. स्पर्श करतांना अजूनहि मी तेवढा शुद्ध नाही एखाद्या बुद्धाच्या जिवणीवरील उदासीन हास्यासारखा. या माझ्या अजाण कवितेच्या वाटेला जाऊं नका कारण ती ज्या वाटा चालते आहे त्या आहेत तिच्या स्वतःच्या नागमोडी स्वभावांतून स्फुरलेल्या. मोडून पडाल! तिच्या नावाचा जप करायचा असेल तर त्यासाठी तुम्हांला तुमच्या कण्याच्या मणक्यांचे रुद्राक्षमणी ओवून जपमाळ करावी लागेल आणि श्वासनिःश्वासांचा करावा लागेल कमंडलूः पसरावें लागेल संज्ञेचें व्याघ्रचर्म, आहे तयारी? जा आपल्या वाटा हुडकीत आल्या वाटेने; तिला पाहायचे डोळे प्रथम मिळवा, मगच पाहा तिच्याकडे डोके वर उचलून. ती भोगतेय जें जें कांही त्यांतल्या तिळमात्रही वेदना तुम्हांला सोसायच्या नाहीत. मी स्वतः पाहातोय स्वतःच्याच कवितेला एखाद्या पेटलेल्या दिव्याप्रमाणे दूर ठेवून.

आरती प्रभू यांच्या इतर प्रसिद्ध कविता:

---

मराठीमाती डॉट कॉम येथे प्रकाशित होणाऱ्या निवडक मराठी कविता आता श्राव्य स्वरूपात देखील उपलब्ध आहेत. सर्व ऑडिओ कविता या दुव्यावर ऐकता येतील.

---

• [col]
• - आईच्या कविता
• - निसर्ग कविता
• - पावसाच्या कविता
• - गावाकडच्या कविता

• [col]
• - आत्मविश्वासाच्या कविता
• - आनंदाच्या कविता
• - दुःखाच्या कविता
• - प्रेम कविता

• [col]
• - प्रेरणादायी कविता
• - बाबाच्या कविता
• - बायकोच्या कविता
• - बालकविता

• [col]
• - मैत्रीच्या कविता
• - विरह कविता
• - शांततेच्या कविता
• - शाळेच्या कविता

• [col]
• - शिक्षकांवर कविता
• - सामाजिक कविता
• - अंधश्रद्धेच्या कविता
• - देशभक्तीपर कविता

• [col]
• - सैनिकांच्या कविता
• - शेतकर्‍याच्या कविता
• - प्रवासाच्या कविता
• - तिच्या कविता

• [col]
• - संघर्षाच्या कविता
• - आठवणींच्या कविता
• - राजकीय कविता
• - तरुणाईच्या कविता

---

अक्षरमंच - मुक्त व्यासपीठ - नवोदितांच्या लेखन प्रतिभेस प्रोत्साहन देणारे एक मुक्त व्यासपीठ.
आपले लेखन आणि साहित्य प्रकाशित करण्यासाठी ऑनलाईन किंवा ऑफलाईन मोफत लेखक नोंदणी करा.
नवीन लेखक नोंदणी / मराठीमाती डॉट कॉम येथे साहित्य प्रकाशनासंदर्भातील अधिक माहितीसाठी आम्हाला +९१ ९३२ ६०५ २५५२ येथे संपर्क साधा.