वाळली सारी फुले - मराठी कविता (ना. घ. देशपांडे)

ज्येष्ठ आणि प्रसिद्ध मराठी कवी ना. घ. देशपांडे (नागोराव घनश्याम देशपांडे) यांची वाळली सारी फुले ही लोकप्रिय मराठी कविता.

वाळली सारी फुले, उरला तरीपण वास हा

---

वाळली सारी फुले - मराठी कविता (ना. घ. देशपांडे)

ज्येष्ठ आणि प्रसिद्ध मराठी कवी ना. घ. देशपांडे (नागोराव घनश्याम देशपांडे) यांची वाळली सारी फुले ही लोकप्रिय मराठी कविता.

---

वाळली सारी फुले, उरला तरीपण वास हा
लोपली वनदेवता, पण राहिला वनवास हा

पालवी झडली, तरी उरले जुने पण पान हे
गाव ते उठले, तरी उरले अजून वसाण हे

अग्नि तो विझला जरी, निघतो तरी पण धूर हा
वेदना सरली जरी, सुकतो तरी पण नूर हा

घोर वादळ संपले, पण राहिली हुरहूर ही
चंद्रिका विझली, तरी उरलीच रात्र निसूर ही

वाद ते मिटले, तरी पण राहिलेत विषाद हे
साद ओसरले, तरी पण राहिले पडसाद हे

घाव तो बुजला जरी, उरली तरी पण खूण ही
ते रहस्यच लोपले, पण राहिली कुणकूण ही

- ना. घ. देशपांडे (नागोराव घनश्याम देशपांडे)