ती शाळा - मराठी कविता (वि. म. कुलकर्णी)

0 0 संपादक ६ एप्रि, २०२३ संपादन

ज्येष्ठ आणि प्रसिद्ध मराठी कवी वि. म. कुलकर्णी (विनायक महादेव कुलकर्णी) यांची ती शाळा ही लोकप्रिय मराठी कविता.

चावडीच्या पाठीमागे, जुना सरकारी वाडा

ती शाळा - मराठी कविता (वि. म. कुलकर्णी)

ज्येष्ठ आणि प्रसिद्ध मराठी कवी वि. म. कुलकर्णी (विनायक महादेव कुलकर्णी) यांची ती शाळा ही लोकप्रिय मराठी कविता.

चावडीच्या पाठीमागे । जुना सरकारी वाडा ।
अर्ध्या पडक्या भिंतींचा । थर पांढरा केवढा

पटांगणाचा सोबती । उभा जुनाट पिंपळ ।
अजूनही येते कानी । त्याची मंद सळसळ

खिळखिळे झाले गज । अशा खिडक्या लांबट ।
छपराच्या कौलातून । ऊन हळू डोकावत

खाली धुळीची जमीन । राठ टेबल समोर ।
किलबिल थांबे क्षण । छडी नाचता ज्यावर

चिंचा पेन्सिलींचा सौदा । अंकगणिताचे ताळे ।
नवा शर्ट दहा बुक्के । सारे गुपचूप चाले

तुळशीशी जाता उन्हे । घणघण वाजणारी ।
उंच आढ्याशी टांगली । घंटा घोडीच्या शेजारी

शाळा सुटे पाटी फुटे । घरा वळती पाउले ।
वना निघाली मेंढरे । वाट त्यातून न मिळे

अशी माझी उंच शाळा । होती पिंपळा जवळी ।
मन भिरभिरे तीत । कधी बनून पाकोळी

- वि. म. कुलकर्णी (विनायक महादेव कुलकर्णी)

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.