थोर तुझे उपकार - मराठी कविता (भा. दा. पाळंदे)

ज्येष्ठ आणि प्रसिद्ध मराठी कवी भा. दा. पाळंदे (भास्कर दामोदर पाळंदे) यांची थोर तुझे उपकार ही लोकप्रिय मराठी कविता.

आई, थोर तुझे उपकार

---

थोर तुझे उपकार - मराठी कविता (भा. दा. पाळंदे)

ज्येष्ठ आणि प्रसिद्ध मराठी कवी भा. दा. पाळंदे (भास्कर दामोदर पाळंदे) यांची थोर तुझे उपकार ही लोकप्रिय मराठी कविता.

---

आई! थोर तुझे उपकार

वदत विनोदे हासत सोडी
कोण दुधाची धार

नीज न आली तर गीत म्हणे
प्रेम जिचे अनिवार

येई दुखणे तेव्हा मजला
कोण करी उपचार

कोण कडेवर घेउनि फिरवी
चित्ती लोभ अपार

बाळक दुर्बळ होतो तेव्हा
रक्षण केले फार

त्वांचि शिकविले वाढविले त्वां
आहे मजवर भार

स्मरण तुझ्या या दृढ ममतेचे
होते वारंवार

नित्य करावे साह्य तुला मी
हा माझा अधिकार

- भा. दा. पाळंदे (भास्कर दामोदर पाळंदे)