विझता विझता स्वत:ला - मराठी कविता (नारायण सुर्वे)

ज्येष्ठ आणि प्रसिद्ध मराठी कवी नारायण सुर्वे यांची विझता विझता स्वत:ला ही लोकप्रिय मराठी कविता.

झूठ बोलून आयुष्य कुणालाही सजवता येते

---

विझता विझता स्वत:ला - मराठी कविता (नारायण सुर्वे)

ज्येष्ठ आणि प्रसिद्ध मराठी कवी नारायण सुर्वे यांची विझता विझता स्वत:ला ही लोकप्रिय मराठी कविता.

---

झूठ बोलून आयुष्य कुणालाही सजवता येते
अशी आमंत्रणे आम्हालाही आली; नाहीच असेही नाही

असे किती हंगाम शीळ घालीत गेले घरावरून
शब्दांनी डोळे उचलून पाहिलेच नाही, असेही नाही

शास्त्र्याने दडवावा अर्थ आम्ही फक्त टाळच कुटावे
आयुष्याचा अनुवाद करा सांगणारे खूप; नाहीत असेही नाही

असे इमान विकत घेणारी दुकाने पाड्यापाड्यावर
डोकी गहाण ठेवणारे महाभाग नाहीत असेही नाही

अशा बेइमान उजेडात एक वात जपून नेताना
विझता विझता स्वत:ला सावरलेच नाही, असेही नाही

- नारायण सुर्वे