पर्‍यांचे गाणे - मराठी कविता (ग. ल. ठोकळ)

ज्येष्ठ आणि प्रसिद्ध मराठी कवी ग. ल. ठोकळ (गजानन लक्ष्मण ठोकळ) यांची पर्‍यांचे गाणे ही लोकप्रिय मराठी कविता.

चल चल धरतीवर उतरू, छुम छुम छननन नाच करू

---

पर्‍यांचे गाणे - मराठी कविता (ग. ल. ठोकळ)

ज्येष्ठ आणि प्रसिद्ध मराठी कवी ग. ल. ठोकळ (गजानन लक्ष्मण ठोकळ) यांची पर्‍यांचे गाणे ही लोकप्रिय मराठी कविता.

---

चल चल धरतीवर उतरू
छुम छुम छननन नाच करू
मी पहिली ही दुसरी
मी दुसरी ही तिसरी
सुंदर पंख हळू पसरू
छुम छुम छननन नाच करू

रात पडे चांद चढे
ओरडती रातकिडे
हलती डुलती तालतरू
छुम छुम छननन नाच करू

गवत किती मउ हिरवे
चल मिळवू हळु तळवे
लगबग लगबग हात धरू
छुम छुम छननन नाच करू

गगन वरी नाच करी
जग अवघे फेर धरी
नाच आमुचा होय सुरु
छुम छुम छननन नाच करू

घ्या गिरकी घ्या फिरकी
पूर्व दिशा हो भुरकी
दहिवर दिसता परत फिरू
छुम छुम छननन नाच करू

- ग. ल. ठोकळ (गजानन लक्ष्मण ठोकळ)