सहानभूती - मराठी कविता (कुसुमाग्रज)

ज्येष्ठ आणि प्रसिद्ध मराठी कवी कुसुमाग्रज (विष्णू वामन शिरवाडकर) यांची सहानभूती ही लोकप्रिय मराठी कविता.

उभे भवती प्रासाद गगनभेदी...

---

सहानभूती - मराठी कविता (कुसुमाग्रज)

ज्येष्ठ आणि प्रसिद्ध मराठी कवी कुसुमाग्रज (विष्णू वामन शिरवाडकर) यांची सहानभूती ही लोकप्रिय मराठी कविता.

---

उभे भवती प्रासाद गगनभेदी
पथी लोकांची होय दाट गर्दी

प्रभादिपांची फुले अंतराळी
दौलतीची नित चालते दिवाळी

कोपर्‍याशी गुणगुणत अन्‌ अभंग
उभा केव्हाचा एक तो अपंग

भोवतीचा अंधार जो निमाला
हृदयी त्याच्या जणु जात आश्रयाला

जीभ झालेली ओरडूनी शोष
चार दिवसांचा त्यात ही उपास

नयन थिजले थरथरती हात पाय
रुप दैन्याचे उभे मुर्त काय?

कीव यावी पण तयाची कुणाला
जात उपहासुनी पसरल्या कराला

तोची येई कुणी परतूनी मजुर
बघूनी दीना त्या उभारुनी उर

म्हणे, राहीन दीन एक मी उपाशी
परि लाभु दे दोन घास त्यासी

खिसा ओतुनी त्या मुक्या ओंजळीत
चालू लागे तो दिन बंधु वाट

आणि धनिकांची वाहने पथात
जात होती ती आपुल्या मदात

कुसुमाग्रज यांचे इतर लेखन वाचा:

विषयानुसार कविता

आईनिसर्गपाऊसगावआत्मविश्वासआनंददुःखप्रेमप्रेरणाबाबाबायकोबालकवितामैत्रीविरहशांतताशाळाशिक्षकसामाजिकअंधश्रद्धादेशभक्तीसैनिकशेतकरीप्रवासतिच्यासंघर्षआठवणीराजकीयतरुणाई

मराठीमाती डॉट कॉमवरील निवडक मराठी कविता आता श्राव्य स्वरूपात उपलब्ध. सर्व ऑडिओ कविता येथे ऐका.

अक्षरमंच - मुक्त विचारपीठ

मराठीमाती डॉट कॉमच्या मुक्त विचारपीठाचा भाग बना — लेखक, संकलक, स्वयंसेवक किंवा इंटर्न म्हणून सामील होण्यासाठी आजच नोंदणी करा.
अधिक माहितीसाठी आम्हाला +९१ ९३२ ६०५ २५५२ येथे संपर्क साधा.