एका तळ्यात होती - मराठी कविता (ग. दि. माडगूळकर)

0 0 संपादक १६ जून, २०२२ संपादन

ज्येष्ठ आणि प्रसिद्ध मराठी कवी ग. दि. माडगूळकर (गजानन दिगंबर माडगूळकर / गदिमा) यांची एका तळ्यात होती ही लोकप्रिय मराठी कविता.

एका तळ्यात होती बदके पिले सुरेख...

एका तळ्यात होती - मराठी कविता (ग. दि. माडगूळकर)

ज्येष्ठ आणि प्रसिद्ध मराठी कवी ग. दि. माडगूळकर (गजानन दिगंबर माडगूळकर / गदिमा) यांची एका तळ्यात होती ही लोकप्रिय मराठी कविता.

एका तळ्यात होती बदके पिले सुरेख
होते कुरुप वेडे पिल्लु तयात एक

कोणी न त्यास घेई खेळावयास संगे
सर्वांहूनि निराळे ते वेगळे तरंगे

दावून बोट त्याला म्हणती हसून लोक
आहे कुरुप वेडे पिल्लु तयात एक

पिल्लास दु:ख भारी भोळे रडे स्वत:शी
भावंड ना विचारी सांगेल ते कुणाशी

जे ते तयास टोची दावी उगाच धाक
होते कुरुप वेडे पिल्लु तयात एक

एके दिनी परंतु पिल्लास त्या कळाले
भय वेड पार त्याचे वाऱ्यासवे पळाले

पाण्यात पाहताना चोरुनिया क्षणैक
त्याचेच त्या कळाले तो राजहंस एक

एका तळ्यात होती - मराठी कविता (ग. दि. माडगूळकर) यासंबंधी महत्त्वाचे दुवे:

पटकथा गदिमांच्या जन्माची

- ग. दि. माडगूळकर (गजानन दिगंबर माडगूळकर / गदिमा)

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.