बंदिस्त - मराठी कविता

बंदिस्त, मराठी कविता - [Bandist, Marathi Kavita] बंद करुन दाही दिशांची, खिडक्या आणि दारे, बांधून घेतो स्वत:ला.

बंद करुन दाही दिशांची, खिडक्या आणि दारे, बांधून घेतो स्वत:ला

बंद करुन दाही दिशांची खिडक्या आणि दारे बांधून घेतो स्वत:ला अंध वैचारिक दोरे अपमानाचे झिडकारलेले पराभवाचे कैक सोशिक क्षण चाचपून पाहिले... हताश होऊन स्वत:च्याच कोषात कुठेतरी, कधीतरी, कोणीतरी सांगितलेले बंदिस्त मनांची कवाडं उघडतात...“शब्दांनी!” तेव्हापासूनच जळी-स्थळी, सागर किनारी, सांजवेळी, निरव रजनी सोबत संवेदनांच गाणं गुणगुणतोय या साऱ्यात मनाचा दरवाजा आतून उघडावा याचाच फक्त विसर पडतोय इतकंच

-प्रविण पावडे

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.